Charter Document - 00840006
| Charter Number: | 00840006 |
|---|---|
| Cartulary Title: | The Coucher Book of Selby |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1154 |
| Date type: | Assigned |
| Resource Link(s): |
|
Charter:
Stephanus rex Anglorum archiepiscopis episcopis abbatibus justiciariis comitibus baronibus vicecomitibus ministris et omnibus fidelibus suis totius Anglie salutem Sciatis me confirmasse hac mea presenti carta ecclesie Sancti Germani de Saleby et monachis in illa Deo servientibus quicquid fundator ejusdem ecclesie venerabilis rex Anglorum Willelmus avus meus illis in elemosinam dedit scilicet ipsum manerium de Seleby unam carucatam terre de Sneid et sex bovatas terre de Flaxlei et Rodecliff et dimidiam carucatam terre de Brayton et unam piscariam Witegift et preterea terras a Thoma archiepiscopo eis datas scilicet Fristonam et Salebiam minorem et preterea Crull scilicet unum hundredum in vicecomitatu Lincolnie et Stanford cum pertinentiis ejus in vicecomitatu Hametonie quas eis dederunt Galfridus de la Wirche et Wydo de Rainelcurt et preterea alias terras suas a quocunque fideli illis datas scilicet ecclesiam de Stalingburgh cum pertinentiis ejus et ecclesiam de Redeburna cum pertinentiis ejus et ecclesiam de Ascheby cum pertinentiis ejus et ecclesiam de Sneid cum pertinentiis ejus et Hameltonam quam Ilbertus de Lacy in elemosinam dedit cum pertinentiis ejus et Gunby cum pertinentiis ejus et terram de Duffeld et Acastram cum pertinentiis ejus quam Osbertus vicecomes in elemosinam dedit et Rogerus de Mulbray postea carta sua confirmavit et Hillum cum pertinentiis ejus quam secundus Thomas archiepiscopus dedit et Stayntonam in Cravana quam Hugo filius Everardi in elemosinam dedit et terram de Chalchefeld quam Hermerus in elemosinam dedit et unam carucatam terre in Amecotes quam Nigellus de Albeneia ad luminare ecclesie dedit et terram de Bramwit et terram de Doncastria et omnes alias terras suas et tenuras eorum in elemosinam eis datas quare volo et firmiter precipio quod predicta ecclesia et monachi omnes prescriptas tenuras suas bene et in pace libere et quiete et honorifice teneant in bosco et plano in pratis et pascuis in aquis et piscariis in stagnis et molendinis in viis et semitis in civitate et extra et omnibus in locis cum soca et saca toll et theam et infangentheof et cum omnibus libertatibus et liberis consuetudinibus et in perpetuam elemosinam solutam et quietam de omni seculari exactione et servitio sicut prefatus Willelmus rex Anglorum eas illis carta sua confirmavit Testibus Hugone episcopo Dunelmensi et Roberto episcopo Lincolniensi et Ricardo de Lucy et Ricardo de Canevill apud Dracas in obsidione