Charter Document - 00840005

Henricus Dei gratia rex Anglorum et dux Normannorum et Aquitanorum et comes Andegavorum archiepiscopis episcopis abbatibus justiciariis comitibus baronibus vicecomitibus ministris et omnibus fidelibus suis totius Anglie salutem Sciatis me [concessisse et] confirmasse hac mea presenti carta ecclesie Sancti Germani de Seleby et monachis in illa Deo servientibus quicquid fundator ejusdem ecclesie venerabilis rex Anglorum Willelmus proavus meus illis in elemosinam dedit scilicet ipsum manerium de Seleby videlicet unam carucatam terre de Snayth et vj bovatas terre de Flaxeley et Roudeclive et dimidiam carucatam terre in Braiton et unam piscariam scilicet Wytegift et preterea terras a Thoma archiepiscopo eidem ecclesie datas scilicet Fristonam et Selebyam minorem et preterea Crull scilicet unum hundredum in vicecomitatu Lincolniensi et Stanford cum pertinentiis que est in vicecomitatu Hamtonensi quas eis dederunt Gaufridus de la Wyrche et Wydo de Rannelcurt et preterea alias tenuras suas a quocunque fideli illas datas scilicet ecclesiam de Stalingburg cum pertinentiis ejus et ecclesiam de Red[de]burna cum pertinentiis ejus et ecclesiam de Askeby cum pertinentiis ejus et ecclesiam de Snayth cum pertinentiis ejus quam Gerardus archiepiscopus eis in elemosinam dedit et Hameltonam quam Ilbertus de Lacy eis in elemosinam dedit cum pertinentiis ejus et terram de Duffeld et Acastram cum pertinentiis ejus quam Osbertus vicecomes eis in elemosinam dedit et Rogerus de Mobray postea carta sua confirmavit et [H]illum cum pertinentiis ejus quam secundus Thomas archiepiscopus eis dedit et Torp et Staintonam in Cravena quam Hugo filius Everardi eis in elemosinam dedit et terram de Chelchefeld quam Hermerus eis in elemosinam dedit et unam carucatam terre in Amecotes quam Nigellus de Albeneia ad lumenaria [ecclesie] eis dedit et terram de Bramwit et terram de Donecastria et unam carucatam terre in Usabruna et omnes alias terras suas et tenuras eorum in elemosinas eis datas Quare volo et firmiter precipio quod predicta ecclesia et monachi omnes prescriptas tenuras suas bene et in pace et libere et quiete et honorifice teneant in bosco in plano in pratis et pascuis in aquis et piscariis in stagnis et molendinis in viis et semitis in civitate et extra et in omnibus locis cum soca et saca et toll et theam et infangenethef et cum omnibus libertatibus et liberis consuetudinibus et in perpetuam elemosinam solutam et quietam de omni seculari exactione et servitio sicut ecclesia Sancti Petri Eboracensis est et ut prefatus Willelmus proavus meus et Henricus rex avus meus eas illis cartis suis confirmaverunt Testibus Tebaldo archiepiscopo Cantuariensi et Roberto episcopo Lincolniensi et aliis