Charter Document - 00840002

Omnibus hoc scriptum visuris vel audituris Henricus de Lascy comes Lincolnie salutem in Domino sempiternam Volentes graciam facere Johanni de Yortheburg concessimus pro nobis et heredibus nostris quod ipse Johannes et heredes sui habeant et teneant septem perticatas more in latitudine jacentes inter moras quas Radulfus Gausel solebat tenere et moras Priorisse de Nonnecotona simul cum fundo sub predictis septem perticatis more et que quidem mora jacet in Inglesmore in manerio et soka de Snayth juxta Swynflete et se extendit versus austrum quantum profunda mora ad turbas fodiendas duraverit in longitudine et de latitudine septem perticatarum nisi mora illa temporibus futuris per loca versus austrum fuerit magis stricta salvis tamen nobis et heredibus nostris vastis et pasturis nostris ex parte boreali aque de Done ubique versus borealem usque ad profunditatem more predicte ubi turbe poterint per ipsum Johannem et heredes suos convenienter fodi temporibus futuris ad omnimoda approuyamenta nostra in eisdem vastis et pasturis facienda quocienscunque quandocunque et qualitercunque melius ad opus nostrum viderimus expedire inperpetuum et salvis nobis et heredibus nostris pastura in predicta mora ipsi Johanni et heredibus suis concessa tam ante fodicionem et asportacionem turbarum in eadem mora quam post fodicionem et asportacionem earundem Et si forte terra sub predicta mora in agriculturam seu pratum reducatur tunc post asportacionem bladi et feni semper in eisdem terris et pratis pasturam cum averiis nostris propriis et heredum nostrorum habebimus Concessimus insuper eidem Johanni et heredibus suis pro nobis et heredibus nostris quod habeant omnimoda aysiamenta in omnibus antiquis viis semitis et calcetis in predicta mora tam ab antiquo usitatis quam in mora per presentem cartam ipsi Johanni et heredibus suis concessa aperiendi fodiendi cum gutteris et seweris et apercionibus ad predictam moram siccandam cum libertate predictam moram aperiendi tollendi turbas fodiendi eas et alia bona sua usque ad aquas de Ouse et de Done cariandi et naves ibidem cariandi et inde abducendi libere quiete et pacifice pro voluntate sua inperpetuum absque contradictione vel impedimento nostri heredis balliorum seu aliorum ministrorum nostrorum quorumcunque inperpetuum reddendo inde nobis et heredibus nostris annuatim duodecim denarios argenti medietatem scilicet ad Pentecosten et aliam medietatem ad festum Sancti Martini in hyeme et faciendo omnia alia servicia debita et consueta pro predicta mora inperpetuum Et preterea idem Johannes et heredes sui et eorum assignati et tenentes fossatum aque de Ouse ex opposito morarum predictarum quocienscunque per intemperiem aque maris vel predicte aque de Ouse fractum fuerit vel asportatum in parte vel in toto reparabunt et de novo facient quocienscunque necesse fuerit inperpetuum et preterea idem Johannes concessit pro se et heredibus suis quod via inperpetuum remaneat tam larga inter fossatum aqua de Ouse et inter moras predictas sicut fuit die confeccionis presentis scripti scilicet sexaginta pedum ad minus Et nos Henricus et heredes nostri predictam moram cum fundo in forma suprascripta predicto Johanni et heredibus suis contra omnes gentes warantizabimus Et in omnium premissorum testimonium parti hujus scripti cyrograffati penes predictum Johannem et heredes suos remanenti sigillum nostrum fecimus apponi et alteri parti penes nos remanenti sigillum ipsius Johannis est appensum Hiis testibus dominis Willelmo le Vavasour Milone de Stapelton militibus Willelmo de Nony Thoma de Fissheburne Olivero de Stanesfeud tunc receptore castri Pontisfracti et aliis