Charter Document - 00830050
| Charter Number: | 00830050 |
|---|---|
| Cartulary Title: | Annals of the Hospital of St. Wulstan [Worcester] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1310 |
| Date type: | Internal, Feast, Regnal |
| Resource Link(s): |
|
Charter:
Sciant presentes et futuri quod ego Philippus le Espicer ciuis Wygornie dedi concessi et hac presenti carta mea confirmaui Cristine filie Willelmi atten Apeltone totum illud tenementum cum suis pertinentiis quod situm est inter portam aquaticam iuxta pontem Sabrine ex parte vna et tenementum quod quondam fuit Petri Pede ex altera in vico qui vocatur Eportis Wygornie Habendum et tenendum totum dictum tenementum cum suis pertinentiis de capitalibus dominis feodi illius eidem Cristine et heredibus suis vel suis assignatis quibuscunque et quandocunque totum dictum tenementum cum suis pertinentiis dare vendere assignare inuadiare siue in testamento legare voluerint libere quiete bene et in pace jure hereditario imperpetuum Faciendo dictis dominis capitalibus per annum seruicia inde debita et consueta pro omni seruicio Et ego dictus Philippus et heredes mei totum dictum tenementum cum suis pertinentiis eidem Cristine et heredibus suis vel suis assignatis quibuscunque contra omnes gentes warantizabimus et defendemus imperpetuum Pro hac autem donacione concessione et confirmacione dedit michi dicta Cristina centum solidos sterlingorum premanibus Et vt hec mea donacio concessio confirmacio et warantizatio rata et stabilis imperpetuum permaneat Huic carte sigillum meum apposui Hiis testibus Willelmo Roculfe Ada de Pyrie tunc Balliuis Wygornie Hugone le Hopere Roberto de Cradeleys Roberto de Northyntone et aliis Datum apud Wygorniam die Mercurii proxima post festum Apostolorum Petri et Pauli anno regni Regis Edwardi filii Regis Edwardi tertio