Charter Document - 00830038
| Charter Number: | 00830038 |
|---|---|
| Cartulary Title: | Annals of the Hospital of St. Wulstan [Worcester] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1260 - 1270 |
| Date type: | Assigned |
| Resource Link(s): |
|
Charter:
Sciant presentes et futuri quod ego Thomas filius Simonis Le Seynter de Wygornia dedi concessi et hac presenti carta mea confirmaui Deo et Beate Marie et domui Hospitalis Sancti Wlstani Wygornie fratribus et infirmis ibidem deo seruientibus duos solidatos annui redditus quos Simon pater meus mihi dedit de tenemento quondam Ma[r]gerie de Bruera de Neunetone extra portam de Sudburia Habendos et tenendos de me et heredibus meis uel meis assignatis sibi et eorum successoribus libere quiete hereditarie bene et in pace Reddendo inde annuatim mihi et heredibus meis uel meis assignatis vnum obolum ad Natale domini pro omnimodis seruiciis et secularibus demandis Ego uero predictus Thomas et heredes mei uel mei assignati predictis fratribus et infirmis totum predictum redditum contra omnes mortales warantizabimus et per predictum seruicium acquietabimus inperpetuum Et si forte contigerit quod ego Thomas et heredes mei predictum redditum dictis fratribus et infirmis warantizare non poterimus uolo et concedo quod habeant illos duos solidos annui redditus quos mihi annuatim reddere solebant de tenementa quondam Angnete le Meilur absque omni contradictione et uexacione mei uel heredum meorum Pro hac autem donacione concessione et carte mee warantizacione dederunt mihi predicti fratres et infirmi decem solidos argenti premanibus Et quia uolo quod hec mea donacio concessio et carte mee warantizacio rata et stabilis permaneat inperpetuum hanc cartam sigilli mei impressione roboraui Hiis testibus Johanne Gubernatore Willelmo Colle tunc Balliuis Wygornie Roberto le Ster Roberto Diacono de Wyche Henrico de Cowringer Rogero de Grimesbi et aliis multis