Charter Document - 00830023
| Charter Number: | 00830023 |
|---|---|
| Cartulary Title: | Annals of the Hospital of St. Wulstan [Worcester] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1260 - 1270 |
| Date type: | Assigned |
| Resource Link(s): |
|
Charter:
Sciant presentes et futuri quod ego Thomas de Lychesfelde ciuis Wygornie assensu et consensu Ali[cie] uxoris mee dedi [et concessi et ha]c presenti carta mea confirmaui Domino Nicholao Alleheyl capellano totum illud tenementum omnibus suis pertinenciis quod [ja]cet inter te[nement]um magistri et fratrum Hospitalis sancti Wlstani ex vna parte et Domini Richardi de Norton capellani qui pro anima Roberti Wattuyl diuina celebret ex altera in vico Cyrotecariorum Wygornie Habendum et tenendum de me et heredibus vel assignatis meis sibi et heredibus suis vel assignatis seu cuicunque dictum tenementum cum omnibus suis pertinenciis dare vendere assignare siue in testamento legare voluerit jure hereditario imperpetuum libere quiete integre bene et in pace in omnibus rebus et locis Reddendo inde annuatim domino Regi ad socagium octo denarios ad Hockeday pro omni seruicio seculari consuetudine querela secta curie exactione et demanda Et ego vero predictus Thomas et heredes mei vel assignati totum dictum tenementum [cum pertinen]ciis predicto Nicholao et heredibus suis vel assignatis contra omnes homines et feminas qui sunt vel esse poterunt warantizabimus [] omnium tenementorum meorum acquietabimus et per predictum seruicium imperpetuum defendemus Pro hac autem donatione [conce]ssione et presentis carte confirmatione dedit michi dictus Nicholaus decem solidos sterlingorum premanibus Et vt hec m[ea don]atio concessio confirmatio warantizatio acquietatio et defencio perpetue firmitatis robur optineant presenti car[te apposui sigillum] meum Hiis testibus Willelmo Rochulf Waltero le Enweyse tunc Balliuis Wygornie Johanne Comyn Willelmo [Colle Ricardo] le mercer Thoma de Croule Rogero de Staneweya et multis aliis