Charter Document - 00830020
| Charter Number: | 00830020 |
|---|---|
| Cartulary Title: | Annals of the Hospital of St. Wulstan [Worcester] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1260 - 1270 |
| Date type: | Assigned |
| Resource Link(s): |
|
Charter:
Sciant presentes et futuri quod ego Nicholaus Alleheyl de Wigornia capellanus dedi concessi et hac presenti carta mea confirmaui magistro et fratribus Hospitalis sancti Wlstani Wygornie totum illud tenementum cum omnibus suis pertinentiis quod emi et optinui de dono Thome de Lychesfeld ciuis Wygornie quod quidem jacet inter tenementum dictorum magistri et fratrum ex vna parte et Domini Ricardi de Norton capellani ex altera in vico Cyrotecariorum Wygornie Habendum et tenendum de me et heredibus vel assignatis meis sibi et successoribus [suis] vel assignatis libere quiete integre bene et in pace in omnibus rebus et locis jure hereditario imperpetuum Reddendo inde annuatim domino Regi ad socagium octo denarios ad Hockeday pro omni seruicio seculari consuetudine querela secta curie exactione et demanda Et ego vero predictus Nicholaus et heredes mei vel assignati totum dictum tenementum cum pertinentiis predictis magistro et fratribus et eorum successoribus contra omnes homines et feminas qui sunt vel esse poterunt warantizabimus acquietabimus et per predictum seruicium imperpetuum defendemus Pro hac autem donatione consessione et presentis carte confirmatione dederunt mihi dicti magister et fratres decem solidos sterlingorum premanibus Et vt hec mea donatio concessio confirmatio warantizatio et defencio perpetue firmitatis robur optineant presenti carte sigillum meum apposui Hiis testibus Willelmo Rochulf Waltero le Enweyse tunc Balliuis Wygornie Johanne Comyn Willelmo Colle Ricardo le mercer Rogero de Stanweya Thoma de Croule et multis aliis