Charter Document - 00830016
| Charter Number: | 00830016 |
|---|---|
| Cartulary Title: | Annals of the Hospital of St. Wulstan [Worcester] |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1250 - 1260 |
| Date type: | Assigned |
| Resource Link(s): |
|
Charter:
Vniversis Christi fidelibus ad quos presens scriptum peruenerit Ego Ricardus le Seinter cyuis Wygornie filius et heres Henrici le Seynter de eadem salutem in domino sempiternam Noueritis me remisisse et omnino quietum clamasse pro me et heredibus meis vel assignatis meis magistro et fratribus Hospitalis sancti Wlstani Wygornie et eorum successoribus totum jus et clamium quod habui vel aliquo tempore habere potui in duabus solidatis annui redditus cum suis pertinencijs de quadam domo que fuit quondam Agnete le Meylour in ciuitate Wygornie in vico de Sodebury iuxta Stodmare knolle Et in duabus solidatis annui redditus cum omnibus suis pertinencijs de quadam domo que fuit quondam Margerie de Bruera de Newyntone extra portam de Sodebury de quo redditu contentio fuit inter nos in curia ciuitatis Wygornie et sic adquieuimus Ita quod ego Ricardus nec aliquis heredum vel assignatorum meorum aliquid juris vel vindicationis in predictis quatuor solidatis annui redditus cum omnibus pertinencijs in posterum exigere vendicare vel habere poterimus Pro hac autem remissione et quieta clamatione dederunt mihi predicti magister et fratres predicti Hospitalis sex decem solidos sterlingorum bone et legalis monete premanibus In cujus rei testimonium huic presenti quiete clamationi sigillum meum apposui Hijs testibus Ricardo Colys Adam de Pidele tunc Balliuus Wygornie Johanne Comyn Thoma de la Hurste Wyllelmo Colle Ricardo de Grimynhulle Willelmo Roculf et multis aliis