Charter Document - 00820006
| Charter Number: | 00820006 |
|---|---|
| Cartulary Title: | Dodnash Priory Charters |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1188 - 1189 |
| Date type: | Assigned |
| Resource Link(s): |
|
Charter:
Universis sancte matris ecclesie filiis et fidelibus presentibus et futuris Wimarus capellanus salutem Universitati vestre notum fieri volo me bone et pie devotionis intuitu et salutis anime proprie et predecessorum et successorum meorum optentu dedisse et contulisse in puram et perpetuam elemosinam Deo et ecclesie in honore beate Marie in alneto aput Bircholt[] fundate et canonicis ibidem sub regula beati Augustini inperpetuum servituris totum tenementum quod habui in Dodenes de feudo Symonis de Tunderl[] simul et omnia alia tenementa sine aliquo retenemento que in eadem villa de Dodenes et in confinia eiusdem perquisivi cum edificiis boscis molendinis vivariis stagnis pasturis et cum universis eorundem tenementorum proventibus et exitibus de cuiuscumque fuerunt feodo prout commodius in usus illorum converti poterint Quare volo et firmiter precipio quod idem canonici habeant et teneant supradicta tenementa cum integritate omnium ad eadam tenementa pertinentium in puram sicut supradicitur elemosinam ab omni humano servitio labore et exactione seculari exempta Testibus Iohanne Norwicensi episcopo Walkelino archidiacono Galfrido archidiacono Thoma archidiacono Rogero comite Norfolch[ie] Roberto decano de Gypesw[ico] Alano decano magistro Samuel Radulfo et Rogero capellanis Symone de Tunderl[] Eustachio de Braham Clerenbaldo de Alno Roberto Quareme Osberto filio Hervei Huberto de Brisew[] Edwardo de Alneto Ricardo de Bromford David de Bircholt Rogero
Source (click image below to view full size)
