Charter Document - 00810146
| Charter Number: | 00810146 |
|---|---|
| Cartulary Title: | Earldom of Gloucester Charters |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1216 - 1217 |
| Date type: | Assigned |
| Resource Link(s): |
|
Charter:
Sciant omnes tam presentes quam futuri quod ego Ysabell[a] comitissa Gloucestr[ie] et Essex[ie] in libera viduitate mea dedi et concessi et hac presenti carta mea confirmavi deo et ecclesie beate Marie de Margan et monachis ibidem deo servientibus pro salute anime mee et antecessorum et successorum meorum et domini comitis Galfridi de Mandevill[a] quondam mariti mei in puram et perpetuam elemosinam has terras in feodo de Kenefeg scilicet totam terram Peitevin per divisas suas cum pertinentiis suis Et totam terram Hug[onis] de H[er]eford[ia] cum pertinentiis suis per divisas suas Et totam terram Walensiu[m] pro qua solebant reddere annuatim triginta duos solidos baillivis de Kenefeg Et totam moram de Hevedhaloc inter duas aquas scilicet Kenefeg et Baithan habend et tenend de me et heredibus meis imperpetuum libere et quiete ab omni servitio consuetudine et exactione seculari sicut ulla elemosina liberius et quietius potest teneri Preterea remisi eis et quietum clamavi imperpetuum totum forinsecum servitium de feodo de Langewy in omnibus rebus que ad me vel heredes meos vel antecessores de eodem servitio pertinent vel pertinere solebant preter dimidiam marcam argenti quam solummodo pro omni forinseco servitio ad nos pertinente reddent annuatim mihi et heredibus meis Preterea de omnibus tenementis que prefati monachi tenent de liberis hominibus meis tam militibus quam aliis totum forinsecum servitium sive sit servitium militis sive venatoris vel alterius servientis quod ad antecessores meos pertinere solebat vel quod ad me vel heredes meos pertinet eisdem monachis relaxavi et quietum clamavi imperpetuum Preterea dedi eisdem monachis imperpetuam elemosinam communem pasturam in toto marisco meo ad occidentalem partem ville de Kaerdif ita quod pro singulis capitibus animalium suorum tantum michi reddent annuatim et heredibus meis quantum burgenses de Kaerdif reddere solebant pro singulis capitibus animalium suorum annuatim baillivis de Kaerdif tempore Will[elm]i comitis Gloucestr[ie] patris mei Ut autem hac mea donatio firma et stabilis sit imperpetuum eam presenti carta mea confirmavi et sigilli mei appositione munivi Hiis testibus Saihero de Quency comite Winton[ie] Henr[ico] de Fumell[is] Will[elm]o de Tiches[ie] Martino hostiario Ioh [Ann]e de Swinesheved Will[elm]o canonico de Kainesha[m] Nichol[ao] priore de Margan fratre Thoma converso Thoma Pirun et multis aliis
Source (click image below to view full size)
