Charter Document - 00810064

Galfridus de Mandevill[a] comes Glocestr[ie] et Essex[ie] dapifero suo et omnibus hominibus suis tam presentibus quam futuris tam Francigen[is] quam Anglicis salutem Sciatis me intuitu dei assensu et voluntate Isabel[le] uxoris mee concessisse et hac presenti carta mea confirmasse deo et ecclesie beate Marie et sancti Ioh[ann]is Bapt[iste] de Dureford et canonicis ibidem deo servientibus in puram et perpetuam elemosinam ab omni servitio et seculari exactione quietam omnes donationes et libertates quas Will[elmu]s comes Glocestr[ie] et Hawys[ia] comitissa et Almaric[us] comes Glocestr[ie] eisdem canonicis dederunt in tenemento de Mapulderham scilicet totam partem more que est inter tenementum de Peteresfeld et villam de H[er]ting Et tres acras terre in longum iuxta predictam moram Et quietantiam de telonio in villa de Peteresfeld Et octo solidatas terre et totam terram quam Thom[as] filius Ailwyni tenuit cum ipso Thom[a] et omni sequela sua Et totam terram quam Ric[ardu]s Makuhus tenuit Et totam terram quam Rob[ertu]s de Wytrowe tenuit cum ipso Rob[er]to et tota sequela sua Et sexdecim acras terre in essart[is] de Nutstede ad hostias in predicto loco consecrandas Et aliud assartum quod iacet inter essartum meum dominicum et assartum predictorum canonicorum sicut carta predicti comitis Almarici quam inde habent testatur Et pasturam bovum suorum cum bobus meis dominicis quamdiu predictam terram arabunt Hanc vero confirmationem feci eis pro salute anime mee et Isabel[le] uxoris mee et pro animabus patrum et matrum nostrarum et antecessorum et successorum nostrorum Et ut hec concessio et confirmatio stabilis et inconcussa inperpetuum perseveret presenti scripto et sigilli mei inpressione eam confirmavi Testibus