Charter Document - 00790118

Charter Document - 00790118


Charter Number: 00790118
Cartulary Title: Charters of the Redvers Family and the Earldom of Devon [Devon]
Charter Language: Latin
Charter Origin: Lay
Charter Type(s): Grant
Date: 1213 - 1214
Date type: Assigned
Resource Link(s):

Charter:

Universis sancte matris ecclesie filiis ad quos presens scriptum pervenerit Hawysia de Redveriis filia comitis Baldewini salutem Noverit universitas vestra me dedisse Deo et Christi ecclesie de Twynham corpus meum ibidem sepeliendum ubicumque in Anglia viam universe carnis me ingredi contigerit Cum corpore vero meo dedi et concessi et presenti carta mea confirmavi eidem Christi ecclesie et canonicis ibidem Deo servientibus atque servituris in presentia domini comitis Willelmi de Redveriis fratris mei totam terram meam de Fleote cum omnibus pertinentiis suis in hominibus et eorum sequelis in agris colendis in bosco in plano in pratis in pasturis in aquis in piscariis in molendinis et in ceteris omnibus a[liis ad] eandem terram pertinentibus cum omnibus libertatibus et liberis consuetudinibus ad ipsam terram spectantibus habend in liberam puram et perpetuam elemosinam tenend de me et de heredibus meis adeo liberam et quietam in omnibus sicut ego eandem terram unquam una die melius et liberius tenui salvo servicio dominorum meorum quantum scilicet pertinet ad feudum dimidii militis pro omni terreno servicio et exactione et salva dimidia hyda terre quam monachis de Quareria prius dederam in eodem manerio et salvo libero tenemento francorum hominum qui ibidem de iure tenuerunt ut ipsi idem servicium quod michi prius fecerunt amodo fideliter predicte Christi ecclesie canonicis integre faciant Ego vero Hawysia et heredes mei dictam terram predicte Christi ecclesie et eiusdem canonicis contra omnes homines et feminas tenemur warantizare vel ad eiusdem dicte terre valentiam rationabile escambium facere Hanc vero donationem et concessionem feci pro salute anime mee et animarum patris et matris mee et pro salute anime domini comitis Willelmi fratris mei et pro anima Jordani de Campo Hernulfi in eadem Christi ecclesia sepulti Cuius petitione sepe prius requisita hoc feci et pro animabus omnium antecessorum et amicorum meorum et ut hec mea donatio et concessio rata et inconcussa perpetuo permaneat eam presentis scripti attestatione et sigilli mei impressione corroboravi Hiis testibus domino comite Willelmo de Redveriis fratre meo Waltero de Insula et multis aliis

Source (click image below to view full size)