Charter Document - 00790108
| Charter Number: | 00790108 |
|---|---|
| Cartulary Title: | Charters of the Redvers Family and the Earldom of Devon [Devon] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1213 - 1214 |
| Date type: | Assigned |
| Resource Link(s): |
|
Charter:
Universis sancte matris ecclesie filiis ad quos presens scriptum pervenerit Willelmus de Redveriis comes Devonie salutem Noverit universitas vestra me intuitu Dei et pro salute anime mee et omnium antecessorum et successorum meorum ad petitionem Hawysie de Redveriis sororis mee concessisse et presenti carta mea confirmasse Christi ecclesie de Twynham et canonicis ibidem Deo servientibus atque servituris donationem quam ipsa Hawysia de Redveriis soror mea fecit eidem Christi ecclesie et canonicis prenominatis de terra sua de Fleota cum omnibus pertinentiis suis sicut carta ipsius Hawysie quam inde habeant testatur habend et tenend de predicta Hawysa et heredibus suis in puram et perpetuam elemosinam adeo libere et quiete pacifice et honorifice in omnibus libertatibus et liberis consuetudinibus sicut eadem Hawysia terram illam cum pertinentiis umquam melius et liberius tenuit et possedit salvo servicio feudi dimidii militis pro omni servicio terreno ad predictam Hawysiam vel heredes suos vel ad me vel ad heredes meos pertinente et ut hec concessio et confirmatio rata et inconcussa in posterum permaneat presentis carte mee attestationi sigilli mei impressione corroboravi Hiis testibus Waltero de Insula Willelmo de Morevill[] et aliis
Source (click image below to view full size)
