Charter Document - 00790090

Sciant presentes et futuri quod ego Willelmus de Redveriis comes Devonie dedi concessi et hac carta mea confirmavi Christi ecclesie de Twynham et canonicis ibidem Deo servientibus et servituris quinque marcatas terre et redditus in manerio meo de Pideleton[] in escambium testamenti comitis Baldewini nepotis mei quod fecit prenominate ecclesie cum corpore suo in liberam et perpetuam elemosinam in omnibus libertatibus de me tenend et de heredibus meis sibi et successoribus suis scilicet centum acras colendas videlicet quadraginta in uno campo et quinquaginta in alio campo de dominico meo et quatuor acras prati in prato meo super Fromam duas acras scilicet versus occidentem de meliori prato et duas acras de peiori prato iuxta divisas versus orientem et centum oves in pastura mea ubique cum ovibus meis et decem boves in pastura ubique cum bobus meis etcetera pecora sua in communi pasture pro tribus marcis et viginti solidos in molendino meo de Pidelet[] absque omni expensa quam canonici debeant ponere in predicto molendino Molendinarius veto quicumque tenuerit molendinum debet facere fidelitatem predictis canonicis de illis viginti solidis reddendis per quatuor terminos anni et nisi reddiderit cogent eum per namia sua donec debitum reddat et si molendinum fuerit forte in manu mea vel in manibus heredum meorum canonici recipient viginti solidos suos predictos de moltura eiusdem molendini per manus servientium nostrorum secundum terminos prenominatos Concessi eis terram quam Walterus Blund[] tenuit pro viginti denariis et domos Bahooc et Crede et hortos eorum pro duobus solidis et Robertum qui manet iuxta curiam ecclesie et terram suam pro tribus solidis Has terras et libertates et hos redditus ego et heredes mei debemus warantizare prefate ecclesie et canonicis prenominatis sicut cyrographum quod factum fuit coram iusticiariis domini regis testatur Hiis testibus Waltero Walerando Rogero Valtord[] et aliis