Charter Document - 00790066
| Charter Number: | 00790066 |
|---|---|
| Cartulary Title: | Charters of the Redvers Family and the Earldom of Devon [Devon] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1189 - 1191 |
| Date type: | Assigned |
| Resource Link(s): |
|
Charter:
Sciant omnes quod ego comes Ricardus filius comitis Ricardi de Redvers dedi et concessi et hac mea carta et sigillo meo confirmavi burgensibus meis de Novo Burgo meo de Meda omnimodas libertates de theloneo et omnibus aliis consuetudinibus unde liberi burgenses libertatem habent quantum ad me pertinet per totam terram meam in villis et vicis in terra et mari in portu et passagio in feriis et mercatis in venditionibus et emptionibus in burgo et extra burgum et in omnibus locis et omnibus rebus Concessi etiam predictis burgensibus meis quod sint liberi et quieti de syris et hundredis et de secta de siris et de hundredis in insula Concessi quoque eis ut habeant pasturam in landis de Parkhurst liberam et quietam de herbagio Concessi preterea eis quod omnem placitum quod in predicto burgo ortum fuerit quod ad me pertineat in ipso burgo placitetur et si ammerciamentum inde evenerit inter ipsos et per ipsos amercietur et volo ut nullus ipsorum de ammerciamento quod ad me pertineat ammercietur ad maius quam triginta denarios et hoc consilio et iudicio eorundem burgensium Concessi similiter predictis burgensibus ut nullus in burgo eorum fiat prepositus nisi quem communi assensu et voluntate elegerint et predicti burgenses et ipsorum heredes reddent michi vel heredibus meis unusquisque de masuagio suo annuatim duodecim denarios pro omni servicio in nativitate sancti Johannis baptiste et per illud servicium tenebunt burgagia sua in feodo et hereditate et habebunt predictas libertates et quietantias His testibus Willelmo Viff Willelmo filio Estur Waltero de Insula Rogero de Aula Willelmo Maskerell[] Roberto Trenchard Roberto de Affaton[] Adama de Comton[] Roberto filio Briani Roberto de Sorewell[] Willelmo de Argenton Giff de Everci Radulpho de Clamorgan Waltero de Ely Roberto de Wauci Waltero Mautravers Petro de Chaelons Henrico Trenchard Willelmo de Insula Rodulpho butellario Davido de Pentyr Gaufrido Vitulo Paulino clerico magistro Roberto qui hanc cartam scripsit
Source (click image below to view full size)
