Charter Document - 00780043
| Charter Number: | 00780043 |
|---|---|
| Cartulary Title: | The Chartulary of St. John of Pontefract |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1235 |
| Date type: | Assigned |
| Resource Link(s): |
|
Charter:
G[aufridus] decanus et capitulum Eboracense universis sancte matris ecclesie filiis ad quos littere presentes pervenerint salutem in domino Cum contentio mota esset inter nos ex una parte et Stephanum et priorem et conventum de Pontefracto ex altera super ecclesiam de Ledeshama et aliquandiu agitata tandem unanimi consensu tam nos quam dicti Prior et monachi predictam ecclesiam de Ledeshama cum omnibus pertinentiis suis ordinationi venerabilis patris Walteri Eboracensis archiepiscopi et magistrorum Roberti precentoris Walteri archidiaconi Est ding Johannis subdecani et Willelmi de Suwell canonicorum Eboraci pure commisimus et absolute Qui quidem habito consilio et deliberatione hoc modo ordinaverunt Inprimis statuentes quod perpetuus vicarius sit in ecclesia de Ledeshama archiepiscopo per predictos priorem et conventum presentandus Qui quidem vicarius omnia onera debita et consueta tam ecclesie de Ledeshama quam capelle de Fareburna sustinebit Et ad vicariam predictam perpetuo assignaverunt totum altaragium cum tota terra et prato pertinentibus tam ad ecclesiam predictam quam ad ejus capellas cum decimis fenorum et molendinorum totius parochie exceptis decimis feni de Castleforda Capellam vero de Fareburna cum omnibus pertinentiis suis excepta portione vicario ecclesie de Ledeshama perpetuo assignata commune Eboraci ecclesie assignaverunt Ecclesiam vero de Ledeshama cum omnibus pertinentiis suis excepta capella de Fareburna cum suis pertinentiis que commune Eboraci ecclesie est assignata et excepta portione quam vicarie perpetuo assignaverunt antedictis priori et conventui in perpetuum concesserunt Nos autem hanc ordinationem acceptantes et gratanter pro bono pacis suscipientes unanimi consensu approbamus et sigilli nostri munimine confirmamus
Source (click image below to view full size)
