Charter Document - 00780030
| Charter Number: | 00780030 |
|---|---|
| Cartulary Title: | The Chartulary of St. John of Pontefract |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1258 |
| Date type: | Assigned |
| Resource Link(s): |
|
Charter:
Sciant omnes tam presentes quam futuri quod ego Eadmundus Lascy constabularius Cestrie dedi concessi et hac presenti carta mea confirmavi deo et beate Marie et prioratui sancti Johannis Apostoli et Evangeliste de Pontefracto et monachis meis ibidem deo servientibus pro salute anime mee et cranium antecessorum et heredum vel successorum meorum singulis diebus unam carectatam de mortuo bosco in parco meo de Pontefracto in perpetuum capiendam per visum parcariorum meorum tenend et habend dictis monachis de me et heredibus meis in puram et perpetuam elemosinam libere quiete bene et in pace cum libero dicti parci introitu et exitu sine alicujus impedimento vel contradictione mei vel heredum meorum in perpetuum Dictum autem donum specialiter concessi predictis monachis pro recompensatione cujusdam decime de terra quam contuli fratribus predicatoribus de Pontefracto Et ego dictus Eadmundus de Lascy et heredes mei dictam carectatam bosci mortui prout predictum est percipiendam dictis monachis warantizabimus et defendemus in perpetuum Et ut hec mea donatio Concessio et confirmatio perpetue firmitatis robur obtineat huic scripto tam pro me quam pro heredibus meis sigillum meum apposui his testibus dominis Hugone dispensatore Ricardo Foliot Gaufrido de Duttona J de Hoderod tunc senescallo Pontisfracti Roberto de Sancto Andrea Francone Teutonico militibus domino Osberto rectore ecclesie de Silkistona Roberto rectore ecclesie de Kinstan Henrico rectore ecclesie de Normantona Roberto Noel et multis aliis
Source (click image below to view full size)
