Charter Document - 00780021
| Charter Number: | 00780021 |
|---|---|
| Cartulary Title: | The Chartulary of St. John of Pontefract |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1218 |
| Date type: | Assigned |
| Resource Link(s): |
|
Charter:
Universis sancte matris ecclesie filiis tam presentibus quam futuris Johannes de Lascy Cestrie constabularius salutem in domino Noverit universitas vestra nos divine caritatis intuitu et pro animabus patris et matris nostre et predecessorum et successorum nostrorum dedisse et concessisse et hoc presenti scripto confirmasse deo et sancte Marie et ecclesie omnium sanctorum de Pontefracto in puram et perpetuam elemosinam quandam terram que jacet extra cimiterium dicte ecclesie juxta cimiterium ex parte orientali inter duas vias ibidem proximo convenientes ad faciendum ibidem commune Sepulchrum fidelium mortuorum scilicet carnerium Et ad quandam capellam super carnerium in honore sancti Sepulcri et sancte Crucis pro animabus omnium fidelium construendam Et preterea dedimus et eadem caritate concessimus ad aucmentationem cimiterii dicte ecclesie quandam terram ex parte septemtrionali dicti cimiterii ubi selde[] site fuerunt et ad murum cimiterii firmate a capite orientali situs carnerii et capelle pretaxate usque ad capud occidentale dicti cimiterii in longitudine Salva tamen amplitudine viarum ex utraque parte proximo adjacentium quam habuerunt eodem die quo versus terram sanctam Jerosolimitanam iter arripui Hiis testibus Roberto de Kent temporis tunc senescalle Henrico Teutonico Baldewino fratre suo Willelmo de Sothull Jordano de Ranavilla Johanne de Estona Roberto de Karleolo Philippo de Alta Ripa Magistro Rogero medico persona de Kippeis [] Roberto Gramatico[] ersona de Edburford [] Rogero portario de Pontefracto Willelmo de Sumervilla Hermero coco Martino de Seleby Hugone de Alta Ripa et multis aliis Apud Damietam []
Source (click image below to view full size)
