Charter Document - 00778045
| Charter Number: | 00778045 |
|---|---|
| Cartulary Title: | Great Chartulary of Glastonbury |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1231 |
| Date type: | Internal, Calendar, Papal |
| Resource Link(s): |
Reference Document for this Embedded Document Reference Document for this Embedded Document |
Charter:
Gregorius episcopus servus servorum Dei dilectis filiis priori et decano de Abyndon et archidiacono Berkeshir Sarisbur diocesis salutem et apostolicam benediccionem Dilectus filius noster Willelmus de Sowy rector ecclesie de Enemere sua nobis conquestione monstravit quod abbas et conventus Adthelnyg et quidam alii clerici et layer Bathon diocesis et Wynton super decimis redditibus possessionibus pecunie summa et rebus aliis iniuriantur eidem ideoque discrecioni vestre per apostolica scripta mandamus quatinus partibus convocatis causam et appellacione remota usuris cessantibus fine debito terminetis iacientes quod decreveritis per censuram ecclesiasticam firmiter observari testes autem qui fuerint nominati si se gracia odio vel timore subtraxerint per censuram eandem appelacione cessante cogatis veritati testimonium perhibere quod si non omnis hiis exequendis poteritis interesse duo vestrum ea nichilominus exequantur Dat Lateran pridie Kaln Junii pontificatus nostri anno quarto
Source (click image below to view full size)
