Charter Document - 00760865
| Charter Number: | 00760865 |
|---|---|
| Cartulary Title: | The Percy Chartulary |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1239 |
| Date type: | Internal, Regnal, Feast |
| Resource Link(s): |
|
Charter:
Hec est convencio facta die Dominica proxima post festum sancte Lucie Virginis anno [] Henrici filii regis Johannis vicesimo quarto inter dominum Willelmum de Percy ex una parte et dominum Henricum de Percy fratrem suum ex altera videlicet quod idem Willelmus [] concessit predicto Henrico [] viginti solidatus redditus annuatim de Johanne de Percy filio et herede Willelmi de Percy de la Cradele [] de una virgata terre quam Isabella de Assefalde aliquando tenuit percipiendas [] super idem feodum scilicet ad festum Sancti Thome Apostoli quinque solidos ad Annunciacionem beate Marie quinque solidos ad Nativitatem Sancti Johannis Baptiste quinque solidos et ad festum Sancti Michaelis quinque solidos ita quod licitum sit eidem Henrico [] predictum feodum pro predicto redditu distringere [] in escambium tocius bosci de Levuredescombe et de Loppescombe et pasture infra predictos boscos et inter predictos boscos sicut predictus Willelmus eidem Henrico predictos boscos per cartam suam dederat Et pro hoc escambio [] quietum clamavit predictus Willelmus eidem Henrico [] omnes querelas et omnes demandas et quaterviginti et septem marcas et septem solidos et sex denarios de debito quod ei debuit et omnia interrogata et interroganda usque ad predictum diem Et predictus Henricus quietum clamavit predicto Willelmo omnia debita et omnia interrogata et interroganda modo simili usque ad predictum diem [] Hiis testibus domino Savarico de Buthum Willelmo de Alta Ripa Hugone Sine Averio Radulfo filio suo Nicholao de Wanci Wymundo de Raly Roberto de Brus Jocelino et Roberto de Budehamme Hugone de Suttone Laurencio de Bykewell et multis allis
Source (click image below to view full size)
