Charter Document - 00741085
| Charter Number: | 00741085 |
|---|---|
| Cartulary Title: | Basset Charters c.1120 to 1250 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1183 - 1191 |
| Date type: | Assigned |
| Resource Link(s): |
Reference Document for this Embedded Document |
Charter:
Omnibus sancte matr[is ec]clesie filiis tam futuris quam presentibus Reginaldus Basset filius Roberti Basset salutem Notum sit universitati vestre quod ego Reginaldus Basset filius Roberti Basset pro salute anime mee [et] pro salute uxoris mee Ysabelle et pro animabus patris mei et matris mee et omnium parentum et amicorum meorum dedi et concessi et hac presenti carta mea confirmavi deo et sancte Marie et monachis de Cumbe in puram et perpetuam elemosinam totam terram meam de Herburbir totam illam scilicet terram quam dedit mihi Henricus de Clinton pro homagio et servitio meo de feudo scilicet comitis Leirc in dominico et feudo in villanis et libere tenentibus in villa et extra villam et omnibus locis cum pertinentiis suis et iterum quatuor virgatas terre in eadem villa quas dedi[t] mihi Henricus Malore pro homagio et servitio meo cum omnibus pertinentiis et libertatibus ad predictas terras pertinentibus Has omnes vero terras prenominatas cum omnibus ad easdem terras pertinentibus pren[omina]tis monachis de Cumbe in puram elemosinam dedi et concessi et hac carta sigillo meo roborata confirmavi ut illas habeant teneant et jute perpetuo possideant liberas solutas et quietas ab omni servitio et exactione seculari bene et in pace et honorifice in viis et semitis in pratis et pascuis et communiis et libertatibus in villa et extra villam Et preter ista cum predic[ta] d[ona]tione prefatis monachis dedi in prefata villa de Herburbir tres cotlandas cum pertinentiis quas dedit mihi predictus Henricus Mallore cum iiij virgatis terre prenominatis Et pro hac wa[rantiza]tione et fine et concordia predictus abbas concessit predicto Reginaldo totam predictam terram cum pertinentiis tenend de se et successoribus suis in tota vita ipsius Reginaldi per servitium duorum solidorum per annum [pro] omni servitio salvo forinseco servitio reddendorum ad natale Et post decessum ipsius Reginaldi tota predicta terra cum pertinentiis redibit predicto abbati et successoribus suis quieta de predicto Reginaldo et heredibus suis Et preterea idem Reginaldus concessit predicto abbati et successoribus suis donationem quam pater suus dedit monachis de Cumbe scilicet centum acras terre in brueria de W[lue]ia su[per] collem qui vocatur Caldewellehil et totam terram que continetur inter Sanford et Grimeswrosne et tendit versus Watlingestrete ubi Sandford et Grimeswrosne mutuo conveniunt et j mesagium juxta sanctum fontem et in brueria de Wlueia pasturam quingentis ovibus
Source (click image below to view full size)
