Charter Document - 00729300
| Charter Number: | 00729300 |
|---|---|
| Cartulary Title: | The Lanercost Cartulary |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1202 |
| Date type: | Internal, Calendar, Papal |
| Resource Link(s): |
Reference Document for this Embedded Document People of Medieval Scotland |
Charter:
Innocentius episcopus servus servorum Dei dilectis filiis abbati Novi Monasterii de Tynemue et Lindisfarn prioribus salutem et apostolicam benedictionem Conquesti sunt nobis dilecti filii monachi de Kelchou quod canonici de Lanrecost et quidam alii Carleol dioecesis propriis vobis nominibus designandi eis super ecclesia ipsorum de Leysingbi injuriosi sunt plurimum et molesti Ideoque discretioni vestre per apostolica scripta mandamus quatinus vocatis ad presenciam vestram qui propter hoc fuerint evocandi audiatis hinc inde proposita et quod justum fuerit super hiis appellatione postposita statuatis nullis litteris veritati et justicie prejudicium facientibus sique apparuerint a sede apostolica impetrate Quod si omnes hiis exsequendis nequieritis interesse duo vestrum ea nihilominus exequatur Date Laterani iii kal Marcii pontificatus nostri anno quarto
Source (click image below to view full size)
