Charter Document - 00720301
| Charter Number: | 00720301 |
|---|---|
| Cartulary Title: | The Lanercost Cartulary |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1203 - 1206 |
| Date type: | Assigned |
| Resource Link(s): |
People of Medieval Scotland |
Charter:
G[alfridus] Dei gracia abbas ecclesie sancte Marie de Kelch et eiusdem loci conventus universis sancte matris ecclesie filiis salutem Noverint omnes tam presentes quam futuri quod cum controversia que vertebatur inter nos et canonicos de Lanrecost super ecclesia de Leysingby domino abbati Novi Monasterii et de Tynemuth et de Insula prioribus auctoritate domini pape terminanda commissa fuisset nos mutue karitatis intuitu pro amicabili et finali concordia inter ecclesiam nostram de Kelch et ecclesiam de Lanrecost et inter predictorum locorum conventus inperpetuum inviolabiliter observanda de communi consilio et assensu totius capituli nostri sepe dictis canonicis quietum clamavimus jus quod habuimus in prefatam ecclesiam de Leysingeby Ita quod predicti canonici singulis annis nobis et ecclesie de Kelch duos bisantios auri nomine ecclesie de Leysingeby ad festum sancti Jacobi apud Rokesburc ad nundinas inperpetuum persolvent Ut autem hec concessio et compositio inter nos et ipsos facta et recepta firma et inconcussa futuris temporibus inter ecclesiam nostram de Kelch et ecclesiam de Lanrecost et ipsorum locorum conventus inperpetuum inviolabiliter observetur nos eam sigilli nostri appositione roboravimus Teste capitulo nostro Kelchoensi