Charter Document - 00720238

Universis sancte matris ecclesie filiis hoc scriptum visuris vel audituris Radulfus miseratione divina Karl[] episcopus salutem in Domino sempiternam Ad universitatis vestre noticiam volumus pervenire quod cum inter dominum Johannem perpetuum vicarium ecclesie de Walton nostre dioecesis impetentem ex parte una et religiosos viros priorem et conventum de Lanrecost ordinis sancti Augustini eiusdem dioecesis eandem ecclesiam de Walton in proprios usus optinentes reluctantes ex altera coram nobis super exilitate vicarie predicte ecclesie ac quibusdam aliis articulis contentio haberetur partibus se nostre ordinationi mere ac sponte subponentibus nos Deum habentes pre oculis de statu vicarii et vicarie ecclesie supradicte auctoritate ordinaria taliter duximus ordinandum videlicet quod idem J[ohannes] et successores sui quos ad ipsam vicariam per dictos religiosos presentari contigerit et per nos et successores nostros institui in ipsa institutione optionem habeant recipiendi nomine vicarie totum altaragium dicte ecclesie de Walton prout idem J[ohannes] et predecessores sui ante istam ordinationem habuerunt cum tota terra illa et cum edificiis quam et que idem J[ohannes] nomine vicarie sue tempore huius ordinationis tenuit et per easdem divisas et iiii solidos argenti a dictis religiosis ad festa Paschi et sancti Michaelis pro equalibus portionibus percipiendos vel xii marcas in pecunia numerata cum edificiis supradictis et orto adjacente quas xii marcas loco taxationis competentis portionis vicario assignamus hoc adjecto quod instituendus in ipsa sui institutione altero istorum electo ad aliud postmodum eligendum nullatenus admittatur sed eo suo perpetuo sit contentus salvis dictis priori et conventui decimis duorum molendinorum suorum que habuerant in parochia de Walton ante tempus huius ordinationis et salva eisdem religiosis capella de Treuerman cum omnibus suis juribus et pertinenciis cui capelle de Treuerman et omni juri quod in ea idem J[ohannes] habuit pro se et successoribus suis deliberato consilio in nostra presencia renunciavit expresse quam quidem renunciationem acceptavimus eundem J[ohannem] et successores suos ab onere quod in capitulo et alibi per parochiam ecclesie de Lanrecost et capelle de Treuerman supportare consuevit totaliter absolventes Prefati vero religiosi ipsi Capelle Treuerman facient suis sumptibus deservire Salvis etiam eisdem religiosis possessionibus et obventionibus omnimodis ecclesie sue de Lanrecost in quarum possessione fuerunt tempore huius ordinationis a nobis facte quoad impetitionem vicarii predicti et successorum suorum Dictus vero vicarius et successores sui qui pro tempore fuerint omnia onera ordinaria et ecclesie supradicte ornamenta rectorii seu vicarie de jure vel consuetudine Karl[] dioecesis contingentia invenient et totaliter sustinebunt Defectus vero cancelli dum tamen huius defectus unus vel plures sunt seu vicissim contingens seu contingentes xii denarios non excesserit vel excesserint suis sumptibus reparabant ita tamen quod minores defectus qui per summam xii denariorum poterunt emendari per negligenciam vel maliciam dicti vicarii seu suorum successorum non creverint in majores In cuius rei testimonium presens pagina tripartita ad modum cyrographi est confecta cuius una pars sub sigillo nostro et sigillo J[ohannis] vicarii penes predictos religiosos residet alia pars sub sigillo nostro et sigillo communi dictorum religiosorum penes dictum vicarium et successores suos remanebit tertia parte penes nos et successores nostros in archivo nostro residente sigillo communi dictorum religiosorum et sigillo prefati vicarii consignata Actum et datum apud Lynstok iii kalendas Decembris anno gracie mccclxxx septimo et pontificatus nostri anno octavo