Charter Document - 00720236

Universis Christi fidelibus hoc scriptum visuris vel audituris Gilbertus de Grennesdale civis Karl[] salutem in Domino Noverit universitas vestra quod cum prior et conventus de Lanrecost quendam anuum redditum consueverant percipere de quadam terra in via Francorum in dicta Civitate Karl[]i videlicet de terra et domo que fuerunt quondam Willelmi capellani ego Gilbertus divine pietatis intuitu concedo et presenti scripto obligo me et heredes meos seu assignatos ad reddendum Deo et beate Marie Magdalene ac predictis priori et conventui duos solidos argenti annuatim ad duos anni terminos inperpetuum videlicet medietatem ad Pascha et medietatem ad festum sancti Michaelis archangeli scilicet de terra illa seu domo que est contigua terre Michaelis de Hauerington ex parte australi in dicta via Francorum die confectionis huius scripti Quare volo et pro me et heredibus meis seu assignatis concedo quod predicti prior et conventus habeant et teneant dictum annuum redditum de me et heredibus meis seu assignatis in liberam puram et perpetuam elemosinam inperpetuum Et si contingat quod absit quod dictus annuus redditus prefatis priori et conventui terminis supra notatis non fuerit solutus liceat eisdem priori et conventui per se vel per suos dictam terram et domos super sitas intrare et districtiones pro libito sue voluntatis facere quousque per me vel heredes seu assignatos meos seu quoscunque alios dictam terram vel domos super sitas tenentes de dicto annuo redditu competenter et plenarie sibi fuerit satisfactum In cuius rei testimonium presenti scripto sigillum meum apposui Testibus Alano de Penigton tunc maiore Karl[]i Radulfo de Herington Michaele de Hauerington Willelmo Scissore Johanne Dispensatore Galfrido fratre eiusdem Henrico Eruginatore Willelmo de Cosseby clerico Petro de Penreth et aliis Actum et datum apud Karl[]m die sanctorum Tiburcii et Valeriani anno Domini mcc octogesimo septimo