Charter Document - 00720210
| Charter Number: | 00720210 |
|---|---|
| Cartulary Title: | The Lanercost Cartulary |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1270 - 1289 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi fidelibus ad quos presens scriptum pervenerit Willelmus Grindegret burgensis de Dumfres salutem in Domino Noverit universitas vestra me pro salute anime mee Alicie sponse mee patris et matris mee et omnium antecessorum et successorum meorum concessisse dedisse et hac presenti carta mea confirmasse Deo et ecclesie beate Marie Magdalene de Lanrecost et canonicis regularibus ibidem Deo servientibus in liberam puram et perpetuam elemosinam unam petram cere seu quatuor solidos argenti de domibus meis inter domos Johannis Grindegret fratris mei in villa de Dumfres ex una parte et domos Michaelis Geargun ipsum per uxorem suam contingentes ex altera existentibus ad festum sancte Marie Magdelene annuatim in perpetuum percipiendos Quare volo et pro me et heredibus meis sive assignatis concedo quod dicti prior et canonici dictam petram cere seu quatuor solidos annui redditus habeant et possideant de domibus meis supradictis ita libere et quiete sicut aliqua elemosina infra villam burgi alicui domui religiose liberius et quietius possit conferri Et si contingat quod dictus redditus termino prenotato secundum quod suprascriptum est plenarie non solvatur volo et pro me et pro heredibus meis sive assignatis concedo quod dicti prior et canonici pro libito sue voluntatis possint in dictis domibus pro dicto redditu per quamcunque voluerint districtionem distringere et districtiones retinere quousque eisdem tam de redditu annuo antedicto quam de expensis si quas fecerint pro defectu solutionis eiusdem plenarie fuerit satisfactum sine aliqua contradictione aut reclamatione mei vel heredum meorum sive assignatorum Et ut hec mea donatio et concessio stabilis et firma permaneat et robur perpetue firmitatis optineat hanc cartam sigillo meo signatam coram viris fide dignis consensu et assensu Alicie sponse mee eisdem tradidi obligando me et heredes meos assignatos seu quoscunque dictas domos post me tenere aut habere contigerit ad omnia supradicta inviolabiliter et fideliter inperpetuum tenenda Testibus dominis Dauid de Thorthorald Roberto de Chartres militibus W filio Hawys J Grindegret Hutredo de Tueregles Roberto Luggespik burgensibus de Dumfres Stephano Russel de Lochmaban Roberto de Westmerland de Lanrec Roberto de Cambok et aliis