Charter Document - 00720163
| Charter Number: | 00720163 |
|---|---|
| Cartulary Title: | The Lanercost Cartulary |
| Charter Language: | Latin |
| Charter Origin: | Lay |
| Charter Type(s): | Acknowledgment |
| Date: | 1238 - 1248 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi fidelibus ad quos presens scriptum pervenerit ego Robertus filius Walteri de Congilton salutem in Domino Noverit universitas vestra me ex donatione dominorum prioris et conventus de Lanrecost pro homagio et servicio meo recepisse terram illam quam Willelmus de Vall filius Johannis de Vall illis dedit in territorio de Kingeston et carta sua eisdem confirmavit quam predicti prior et conventus penes se retinent scilicet terram illam quam Robertus de Cliford prius de illis tenuit quam illis quietam clamavit et cartam suam quam inde habuit illis resignavit videlicet unum toftum et unum croftum cum bovata terre quam Radulfus pelli parius tenuit et unam culturam in territorio de Kingeston que vocatur Quitelav et aliam culturam in territorio de Fenton juxta mariscum et totam illam culturam que jacet inter terram Roberti Flandrensis et exitum de Kingeston usque ad mariscum et a marchio usque ad viam que tendit de occidentali Fenton versus Carnundac et tres acras terre juxta sedem ovilis quod fuit Ricardi filii Michaelis tenendas et habendas miho et heredibus meis pro homagio et servicio que illis feci et que heredes mei in posteram sunt facturi in feodo et hereditate prout in carta continetur quam ex donatione dictorum prioris habeo Reddendo inde predictis priori et conventui singulis annis apud Lanrecost ad nundinas Karl unam libram cumini pro omni servicio In cuius rei testimonium presentem cartam sigilli mei munimine roboravi Testibus Radulfo tunc priore Karl W[altero] tunc archidiacono Karl W[illelmo] tunc decano eiusdem loci Roberto tunc persona de Denton et aliis