Charter Document - 00720032
| Charter Number: | 00720032 |
|---|---|
| Cartulary Title: | The Lanercost Cartulary |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1221 - 1255 |
| Date type: | Assigned |
| Resource Link(s): |
People of Medieval Scotland |
Charter:
Universis sancte matris ecclesie filiis Johannes de Vall salutem Noverit universitas vestra me concessisse et hac presenti carta mea confirmasse pro salute anime mee et animarum antecessorum et successorum meorum Deo et sancte Marie Magdalene de Lanrecost et canonicis ibidem Deo servientibus omnes terras quas Willeluus pater meus eis dedit ac carta sua confirmavit videlicet unum toftum et unam culturam in territorio de Kingiston que vocatur Withelau et unam culturam in territorio de Fenton juxta mariscum scilicet totam terram illam que jacet inter terram Roberti Flandrensis et exitum de Kingiston usque ad mariscum et de marchio usque ad viam que tendit de occidentali parte de Fenton usque ad Karmurdath et tres acras terre juxta sedem ovilis quod fuit Ricardi filii Michaelis tenendum sibi in puram et perpetuam elemosinam adeo libere et quiete ab omni seculari servicio consuetudine et exactione sicut aliqua elemosina in regno Scocie liberius et quietius tenetur et possidetur cum communi pastura et patera et omnibus aliis aisiamentis ad Kingeston et Fenton et Karmurdach pertinentibus Hiis testibus Willelmo de Muphik Rogery de Mubray Willelmo de Lindesey Thoma de Normanvilla Boidino de Argun Willelmo de Vall clerico Radulfo de Vall Roberto filio Ade tunc temporis senescallo Thoma filio Sunolf et multis aliis