Charter Document - 00720005
| Charter Number: | 00720005 |
|---|---|
| Cartulary Title: | The Lanercost Cartulary |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1164 - 1181 |
| Date type: | Assigned |
| Resource Link(s): |
|
Charter:
Universis sancte matris ecclesie filiis tam presentibus quam futuris Robertus de Vall salutem Sciatis me concessisse et presenti carta confirmasse in puram et perpetuam elemosinam Deo et ecclesie sancte Marie Magdalene de Lanrecost et canonicis ibidem servientibus ecclesiam de Denton cum omnibus pertinenciis suis et heremitorium quod frater Laisingus tenuit per illas divisas quas David filius Terri et Robertus filius Asketilli coram me et coram multis aliis eis demonstraverunt et carta sua confirmaverunt cum communi pastura eiusdem ville Quare volo ut predicti canonici habeant et teneant predictas elemosinas ita libere et quiete sicut carta predictorum donatorum eis testatur Preterea concedimus eis et confirmamus decimam multure de molendino de parva Corkeby quam Alexander de Wyndesov eis donavit et duos solidos de Leueresdale quos Bernardus de Leueresdal eis dedit et omnes alias donationes quas homines mei de feudo meo eis rationabiliter dederunt vel in posterum sunt daturi ut ita libere et pacifice teneant ut in cartis donatorum continetur Hiis testibus Roberto clerico de Leuenton Roberto capellano Radulfo de la Ferte Willelmo filio Udardi Willelmo de Balun Willelmo de Cressunere Johanne clerico Israele camerario Angero et multis aliis