Charter Document - 00699272
| Charter Number: | 00699272 |
|---|---|
| Cartulary Title: | The Cartulary of Tutbury Priory |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1231 |
| Date type: | Internal, Calendar, Papal |
| Resource Link(s): |
|
Charter:
Gregorius episcopus servus servorum dei dilectis filiis priori Westm London dioecesis et sancti Martini et sancte Marie de Arcubus decanis London salutem et apostolicam benediccionem Quoniam minus dispendiosum esset et grave dilectis filiis priori et fratribus Hospital Jerusalem in Anglia cum sint in remotis partibus constituti pro singulis querelis apostolicam sedem adire cum frequenter a multis tam clericis quam laicis gravibus sint dampnis et injuriis lacessiti ad supplicacionem eorum super hoc eis dignum duximus providere Quo circa discrecioni vestre per apostolica scripta precipiendo mandamus quatinus cum a dictis priore et fratribus fueritis requisiti malefactores eorum in Anglia constitutos ut eis ablata restituant et de dampnis et injuriis irrogatis eisdem satisfaciant competenter monicione premissa per censuram ecclesiasticam appellacione remota cogatis non obstante constitucione de duabus dietis edita in consilio generali Quod si non omnes hiis exequendis potueritis interesse duo vestrum ea nihilominus exequantur Dat Anag ii Nonas Septembris pontificatus nostri anno quarto
Source (click image below to view full size)
