Charter Document - 00690296

Omnibus Christi fidelibus ad quos presens scriptum pervenerit Nicholaus prior Tuttisbir[] et ejusdem loci conventus eternam in domino salutem Noverit universitas vestra quod unanimi consensu nostro ita provisum est et ordinatum inter nos super coquina nostra Tuttebur[] videlicet quod prior inveniet annuatim monachis ad coquinam viginti et sex marcas argenti videlicet ad festum sancti Michaelis de firma burgencium de Tuttebur[] xxviii sol ix d de decima fori xviii sol de capellano de Tuttebur[] xx solid de Radulfo le Fonn ii solid de Ansedel xii d de Willelmo capellano de Bartona ii solid de Rogero de Dun vi solid viii d et ad purificacionem beate Marie de molendino de Mathefeld[] liii sol iiii d de capellano de Tuttebur[] xx solid de Gilberto de Merstona x solid iiii d et ad pascha de decima fori xviii solid de molendino de Mathefeld liii solid iiii d de capellano de Tuttebur[] xx solid et ad festum sancti Johannis Baptiste de molendino de Mathefeld[] liii solid iiii d de capellano de Tuttebur[] xl solid Et si forte predicti denarii ad dictos terminos plenarie dictis monachis soluti non fuerint prior dictis monachis ad dictos terminos de camera sua persolvet vel justiciam faciet Item inveniet eis xxx porcos vivos competentes excepto unico dictorum porcorum priori remanente et hoc si fuerit annus glande fertilis Si vero non fuerit annus glande fertilis inveniet loco porcorum decem boves vivos competentes Item inveniet eis dictus prior sex sexteria sagiminis annuatim scilicet ad festum sancti Martini iiii sexteria et ad pasca ii Et xlv caseos scilicet viginti de majoribus et residui de minoribus scilicet ad festum sancti Johannis Baptiste majores et residui ad festum sancti Martini Item iii libras piperis et tres cimini de prepositura de Tuttebury Et unum sexterium salis ad festum sancti Johannis Item in adventu et in quadragesima quinque bucellos de fabis albis in inicio adventus et in inicio septuagesime persolvendos Et ad pascha unum quarterium de eisdem Si vero albe fabe non sufficiant inveniet dictus prior unum quarterium de nigris fabis Item in inicio quadragesime et in inicio septuagesime inveniet unum quarterium de farina avene Et in die assumpcionis beate Marie ad magnum prandium pascet eos Item cum prior erit domi tota piscaria et decima venacionis erunt in disposicione prioris Cum vero absens fuerit erunt in disposicione dictorum monachorum Mercator vero monachorum habebit cotidie de celario unum panem famulorum et unam justam servisie famulorum Item dictus prior inveniet coquine utensilia competencia Dicti vero monachi invenient capellano de Tuttebur[] et ministro ecclesie scilicet Ricardo clerico de Wettendona et Michaeli de Fel deliberaciones suas sicuti antea percipere consueverunt et observabunt in conventu omnes antiquas consuetudines quantum ad ferculum et quantum ad elemosinam et quantum ad omnia alia sicuti antea observate sunt Et licet accrescandum numerus monachorum usque ad quindecim nichil tamen alterius exigere possunt dicti monachi a dicto priore Item inveniet dictus prior dictis monachis unum quarterium frumenti pannum ad fructuras faciendas Dictus vero prior quocienscumque voluerit commodet cum monachis in refectorio et secum si voluerit tres vel quatuor de amicis suis secum adducet quibus dicti monachi competenter de dicta coquina exhibebunt Similiter vero commodet cum voluerit cum eis in misericordia et secum si voluerit unum vel duos de suis familiaribus adducet et similiter eis de coquina exhibebitur sicut supradictum est cum commodere voluerit in refectorio Cum autem monachi mittere voluerint propter piscem apud Derby habebunt averagium de Merstona Et sciendum est quod hec ita sunt provisa et ordinata quod propter nullum casum intervenientem hec que suprascripta sunt dictis monachis minuentur Et ut hec provisio perpetuum robur firmitatis optineat hoc presens scriptum sigillis prioris et capituli duximus roborandum Datum et inceptum anno ab incarnacione domini mccxxx ad festum sancti Johannis Baptiste Hiis testibus Laurencio abbate de Burton[] magistro Willelmo de Mamecestr[] decano Lich[] Roberto de Scropton[] decano Roberto de Dubbrig[] clerico et multis aliis