Charter Document - 00641239
| Charter Number: | 00641239 |
|---|---|
| Cartulary Title: | Charters and Documents Illustrating the Cathedral, City and Diocese of Salisbury |
| Charter Language: | Latin |
| Charter Origin: | Religious |
| Charter Type(s): | Foundation |
| Date: | 1232 - 1242 |
| Date type: | Assigned |
| Resource Link(s): |
Reference Document for this Embedded Document |
Charter:
Universis sancte matris ecclesie filiis ad quos presens scriptum pervenerit Robertus de Lexintone canonicus Sarum de prebenda de Cermenistre et de Bere salutem eternam in Domino Honestum est et rationi conveniens ut ecclesiarum prelati justis fidelium petitionibus grato concurrant assensu quorum beneficiis ecclesie se sentiant Sane cum dilectus in Christo dominus Bartholomeus de Turberevile ecclesie de Bere gratus extiterit et devotus omnes decimas suas de toto dominico suo de Winterburne Turbereville majores et minores quocunque nomine censeantur pro se et heredibus suis conferendo eidem quas dicta ecclesia nunquam antea obtinuit sed pro voluntate sua et antecessorum suorum cui volebant conferebantur ejus precibus inclinatus pietatis intuitu et divini cultus ampliandi obtentu sibi et heredibus suis pro me et successoribus meis concessi ut in perpetuum habeant cantariam communicent et jura parochialia percipiant in capella sua de Winterburne Turberevile cum uxoribus suis et libera familia ac hospitibus per suum proprium capellanum idoneum mihi et successoribus meis presentandum ac suis per omnia sumptibus sustentandum qui prestito juramento cavebit de omnimoda indemnitate ecclesie de Bere fideliter in omnibus erga ipsam et canonicos qui pro tempore fuerint se habendo et canonice obediendo Preterea concessi prefato Bartholomeo et heredibus suis pro me et successoribus meis ut eorum uxores ac alie libere mulieres sibi domestice si contigerit eas in domo sua apud Winterburne Turberevile parere in eadem capella possint purificari capellano in eadem ministrante omnes oblationes predictarum in ipsa factas percipiente salvis mihi et successoribus meis in perpetuum coercione et jurisdictione omnimoda in eisdem personis et ceteris omnibus de curia sua quotienscunque in prebenda deliquerint Ut autem hec mea concessio perpetua firmitatis robur obtineat presentem cartam sigilli mei munimine duxi roborandam His testibus domino Willelmo abbate de Cerne Henrici thesaurario Sarum Roberto de Notingeham Ricardo capellano persona de Tanewrthe magistro Willelmo de Suelle Johanne de Dorecestre capellano Johanne de Ripariis Roberto de Cheselburne Waltero de Musters et aliis
Source (click image below to view full size)
