Charter Document - 00641092
| Charter Number: | 00641092 |
|---|---|
| Cartulary Title: | Charters and Documents Illustrating the Cathedral, City and Diocese of Salisbury |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1175 - 1209 |
| Date type: | Assigned |
| Resource Link(s): |
Reference Document for this Embedded Document |
Charter:
Sciant presentes et futuri quod ego Adam archidiaconus Dorcestrie canonicus prebende de Poterna dedi et concessi et hac presenti carta confirmavi Gilberto de Hospitali clerico meo caritatis intuitu totam terram quam habeo in villa de Etheministre cum omnibus pertinentiis suis in bosco in plano pratis et pascuis et pasturis habendam et tenendam de me et successoribus meis libere et quiete toto tempore vite sue reddendo mihi et successoribus meis annuatim viginti solidos argenti pro omni servitio et exactione ad duos anni terminos videlicet ad Natale Domini decem solidos et ad festum Sancti Johannis Baptiste decem solidos ita quod predicta terra post decessum Gileberti vel si vitam mutaverit ad prebendam de Poterna sine impedimento et difficultate redeat Recepit autem predictus Gilibertus prefatam terram de Etheministre omnino nudam et incultam et cum ea de instauramento octo boves tantum et sic eam si obierit vel si vitam mutaverit relinquet Et ut hec mea donatio et concessio firma et stabilis permaneat eam presenti scripto et sigilli mei appositione roboravi His testibus domino Ricardo decano Sarum magistro Magno magistro Willemo de Teyse Johanne Avenant domino Gaufrido archidiacono Johanne de Cheldewich Johanne capellano decani et Nicholao capellano archidiaconi Willelmo de Sancte Fide magistro Petro de Sarum Radulfo de Albedesbyre clerico et multis aliis