Charter Document - 00640271

Universis Christi fidelibus presentes literas visuris vel audituris Willelmus miseratione divina Sarum ecclesie minister humilis salutem in plenitudine caritatis Inter cetera que cordi nobis inerant et nostre sollicitudini incumbebant olim dolenter perpendimus ecclesiam nostram cathedralem Sarum circa luminarium administrationem defectum habere eo quod prout talem ecclesiam deceret circa majus altare et alibi in ecclesia non ministrabatur luminarium portio nostre conveniens voluntati neque cereorum numerus nobis gratus Cui quidem defectui compassionis animum inclinantes de nostro proprio ad honorem et laudem Dei et sancte Marie Virginis et omnium sanctorum pro remissione peccatorum nostrorum dictum defectum supplere et cereorum numerum augere providimus et disposuimus in hunc modum videlicet quod nos cum domino Roberto thesaurario super statu thesauraria et consuetudine ipsius tractantes per communem nostrum et dicti thesaurarii consensum providimus et capituli nostri accedente assensu quod si ducentas libras cere impenderemus thesaurario nostre administratio luminis in singulis posset ministeriis duplicari Propter quod providimus de dicti thesaurarii et nostri capituli assensu quod dominus Roberti thesaurarius Sarum qui se et thesaurariam Sarum de nostro et capituli nostri consensu obligavit et ipsius successores in dicta thesauraria futuris temporibus preficiendi suis sumptibus et expensis dicti luminaris administrationem et cereorum portionem tam circa majus altare quam alibi duplicare tenentur ut singulis diebus ferialibus profestis necnon et duplicibus tantum impendere et administrate debent ultra illam duntaxat portionem quam secundum consuetudinem ecclesie ante presentem ordinationem thesaurarii impendebant quantum primitus ministrabant ut per hanc nostram ordinationem perpetuis temporibus duraturam sine diminutione in singulis ministeriis luminarium quantitas duplicetur Nos quidem credentes per estimationem de consensu thesaurarii et capituli factam per predictas ducentas libras cere dictum augmentum posse suppleri ducentas cere libras de nostra warderoba singulis annis in festo Sancti Michaelis in dicta thesauraria promittimus assignare quousque per nos in loco certo tantum annui redditus providerimus ut de ipso redditu dicte cere portio valeat provenire nihilominus tamen per predictas ducentas libras dictus thesaurarius dictam duplicationem supplebit Et ei nos aut successores nostri dictum luminare augmentare voluerint tam antique consuetudine antiqui luminis quam nostro duplicato augmento in suo robore duraturis subsequens nostra et successorum nostrorum circa luminarium augmentationem devotio augeatur [sed p]er hoc prioris consuetudinis et nostre institutionis liberalis collatio nullatenus minoretur Quod si in cere assignatione cessatum fuerit et in redditus provisione per nos aut successores nostros quos de consensu capituli nostri ad assignationem dicte cere in dicta thesauraria a termino constituto [volumus obligari] nisi per nos in vita nostra provisio dicti redditus compleatur volumus quod dicta thesauraria ad dictum supplementum nullatenus teneatur In hujus rei fidem huic scripto cyrogrophato sigillum nostrum domini Roberti decani et capituli Sarum et domini Roberti thesaurarii ejusdem sunt appensa Hujus rei sunt testes dominus Robertus [de Hertford] decanus Sarum magister Radulfus de Hegham cancellarius magister Gerardo de Bingham archidiaconus Dorcestre magister Nicholaus [de Selby] archidiaconus Wiltes domini N[icholaus de Laking] subdecanus Walterus de la Wile succentor magistri Radulfus de Eboraco Rogerus de la Grene domini Herbertus de Bedewinde Thomas de la Wile Robertus de Beauuer Robertus Foliot canonici Sarum Datum apud Sarum die Veneris proxima ante festum Sancti Michaelis anno Domini MCCLIV