Charter Document - 00640269

Omnibus Christi fidelibus ad quos presens scriptum pervenerit Willelmus [de Eboraco] divina permissione Sarum ecclesie minister humilis salutem in Domino sempiternam Noveritis quod cum inter magistrum Rogerum de la Grene rectorem ecclesie de Preschut et dominum Robertum vicarium beate Marie de Merleberge super decimis majoribus et minoribus medietatis nove terre de Merleberge ac jure parochiali totius ipsius nove terre in quarum possessione ecclesia beate Marie extiterat orta esset auctoritate domini pape coram judicibus delegatis materia questionis dicto magistro Rogero ipsa ad ecclesiam suam de jure communi spectare debere affirmante prefato vero Roberto rationibus quibusdam in contrarium asserente tandem dicti magistri Rogerus et Robertus vicarii nomine suo et successorum suorum de consensu et voluntate expressa domini R[oberti de Hertford] decani Sarum se una cum dicto domino Roberti decano pro se et successoribus suis pene et absolute super his nostre ordinationi ac voluntate spontanea submiserunt Nos vero super his diu deliberatione habita ac tractata jus commune pro ecclesia de Preschut faciens considerantes paupertati nihilominus ac oneri vicarie beate Marie prout officio nostro pastorali incumbit prospicere cupientes cum dicta nova terra ad ecclesiam de Preschut spectasset ab antiquo de jure communi de consensu capituli nostri sic ordinamus scilicet ut omnes decime majores et minores cum toto jure parochiali totius prefate nove terre in quarum possessione ecclesia beate Marie extiterat futuris temporibus ad jus et ad proprietatem ecclesie de Preschut pertineant et jus ipsius ecclesie perpetuis temporibus censeantur ita quod omnes parochiani in ipsa nova terra manentes seu mansuri ad ecclesiam de Preschut jure parochiali de cetero accedentes divinum ibidem audiant officium et ecclesiastica percipiant sacramenta decimas et oblationes et alia que ecclesiis matricibus debentur exsolventes eidem Et quod dictus magister Rogerus et sui successores quadraginta solidos annuos domino Roberto vicario dum vixerit et in eadem ecclesia vicarius extiterit ad quatuor anni terminos exsolvant videlicet in festo Nativitatis Domini anno Domini MCCLII decem solidos in Pascha sequenti decem solidos in festo Sancti Johannis Baptiste decem solidos in festo Sancti Michaelis decem solidos ita scilicet quod eodem Roberto cedente vel decedente rectores ecclesie de Preschut a dicta solutione quadraginta solidorum in perpetuum liberentur hoc tamen salvo quod viginti solidi quos ecclesia beate Marie solvere solet etiam solvet usque ad decessum vel recessum ipsius Roberti decano Sarum per manus vicarii ejusdem ad sustentationem unius cerei in choro Sarum ardentis post decessum vel recessum ipsius Roberti a magistro Rogeri de la Grene rectore ecclesie de Preschut et ejus successoribus in eadem ecclesia in posterum instituendis decano Sarum qui pro tempore fuerit ad sustentationem prefati cerei ad prescriptos terminos perpetuis temporibus exsolvantur et dicta ecclesia beate Marie a prestatione prefatorum viginti solidorum post decessum vel recessum dicti Roberti perpetuo liberetur Et ut hec nostra ordinatio robur obtineat perpetue firmitatis volumus et ordinando statuimus de voluntate et consensu dictorum Roberti decani et capituli Sarum magistri Rogeri de la Grene rectoris ecclesie de Preschut [et] Roberti vicarii ecclesie beate Marie de Merleberge pro se et successoribus eorundem ut si aliquis eorum vel successorum suorum contra hanc ordinationem nostram in aliquo contravenire attemptaverit per nos vel successores nostros per censuram ecclesiasticam sine strepitu judiciali ad ipsius ordinationis observationem in omnibus et per omnia compelli valeat et arceri Et in horum omnium testimonium sigillum nostrum una cum sigillis dominorum Roberti decani et capituli Sarum et magistri Rogeri de la Grene et Roberti vicarii huic nostre ordinationi est appensum