Charter Document - 00640251

Universis sancte matris ecclesie filiis presentes literas inspecturis Robertus divina miseratione Sarum ecclesie minister humilis salutem in Domino Si de statu ecclesie nostre Sarum cui licet immeriti presidemus cogitantes non solum necessitates ejus levigare verum etiam ipsius incrementa prospicere ut valemus non ut vellemus satagamus et debitum officii nostro persolvimus et laudabilem prosequimur actionem presertim cum in officiis caritatis illis precipue teneamur obnoxii a quibus precipua beneficia dinoscimur percepisse Sane cum dilecti filii R[obertus] decanus et capitulum Sarum ecclesiam de Flete prior vero et conventus Christi Ecclesie de Twynham ecclesie de Stures et de Burgestok in quibus jus patronatus obtinebant dispositioni et ordinationi nostre simpliciter et absolute duxerint supponendas ut nobis secundum nostre voluntatis arbitrium disponere et ordinare liceat de eisdem fructus earum in usus cujuscunque persone vel collegii vel alias in quoscunque pios usus libere convertendo prout instrumentis eorum super hoc confectis plenius prospicitur contineri Nos de dictis ecclesiis capituli nostri Sarum et G[erardi] tunc archidiaconi Dorsetie interveniente assensu ordinavimus in hunc modum videlicet quod ecclesia de Sture cum omnibus suis pertinentiis a jurisdictione episcopali at archidiaconali ordinaria at extraordinaria penitus at inperpetuum libera at exempta in usus commune capituli nostri Sarum ecclesia de Flete consimili libertate et exemptione in usus canonicorum Christi Ecclesie de Twynham quos hospitalitatis gratia intelleximus domus fecit insignes ecclesia vero de Burgestok cum consimili libertate at exemptione in sustentationem majoris pontis Sarum cedere debeant in futurum Ita quod eisdem ecclesiis honeste at competenter deserviatur et animarum cura nullatenus negligatur In recompensationem damnorum que ex ordinatione presenti predicto archidiacono at successoribus suis imminebunt predicti prior et conventus unam marcam argenti annuam pro archidiaconatibus que de dictis ecclesiis possent provenire eidem archidiacono et successoribus suis infra octavas Sancti Michaelis in Septembre sub pena dimidie marce per manus ballivi ipsorum apud Pideleton temporibus perpetuis persolvent Ita quod si dictis loco et termino in solutione dicte marce cessaverint liceat loci predicti archidiacono vel ejus officialibus et suis successoribus dictam marcam cum dicta pena de bonis ecclesie de Pideleton sibi deducere omni privilegio cavillatione et juris remedio que dictam solutionem impedire vel retardare possint cessantibus quibus dicti prior at conventus renunciarunt expresse In cujus rei fidem robur at testimonium tria instrumenta sub eodem tenore fieri fecimus quorum unum tam nostro quam predictorum prioris et conventus et archidiaconi sigillis signatum penes capitulum Sarum et alterum tam nostro quam capituli necnon at archidiaconi sigillis signatum penes predictos priorem at conventum tertium vero tam nostro quam capituli una cum sigillo dicti prioris at conventus [sigillis] signatum penes prefatum archidiaconum residebunt His testibus domino Egidio archidiacono Berckscyre Thoma de la Wile senescallo nostro magistris Ricardo de Bynham Rogero de la Grene Roberto de Wichampton canonicis Sarum Roberto de Beuuer capellano Henrico de Schireburn sen[escallo] Willelmo de Castello Gaufrido de Catesford clericis nostris at aliis Datum apud Sarum xiii kalendas Maii anno Domini MCCXLV