Charter Document - 00640229

Universis Christi fidelibus ad quos praesens scriptum pervenerit Robertus Dei gratia Sarum episcopus salutem in Domino Cum de pastoralis officii sollicitudine teneamur cultum Dei in ministrantium ei numero et ipsis ministrantibus competenter et honeste necessaria in exterioribus providere cum scriptum sit non alligabitur os bovi trituranti considerantes tenuitatem et insufficientiam communae ecclesiae Sarum similiter et communae ecclesiae Wellensis quam in Deo diligimus et promovere desideramus propter quas canonici dictarum ecclesiarum et vicarii necessitate compulsi officii sui ministerium in dictis ecclesiis eis deputatum plerumque relinquunt et alias sibi moram et perhendinationem provident cupientes tali defectui et verecundiae misericorditer obviare et pie subvenire de ecclesia de Witchurche de assensu venerabilis fratris nostri Jocelini Bathoniensis episcopi dictae ecclesiae patroni sicut patet per instrumentum inter eum et dominum Galfridum de Mandevile super patronatu ejusdem confectum et de assensu capituli ecclesiae Wellensis et de interventu et humili supplicatione et assensu decani et capituli Sarum qui sibi in eadem ecclesia aliquando vendicabant et pensionem lx solidorum inde percipere consueverunt ad honorem Dei et beatae Mariae et beati Andreae dictarum ecclesiarum patronorum sic ordinavimus et ordinationem ipsam auctoritate pontificali confirmamus videlicet quod dicta ecclesia de Witchurche post decessum vel cessionem magistri Hugonis de Greneford rectoris ecclesiae libera sit et quieta omnino ab annua pensione lx solidorum quam decanus et capitulum Sarum inde prius percipere consueverunt et quod dicta ecclesia tunc de perpetuo vicario per nos et successores nostros ad praesentationem domini Bathon [] et successorum suorum canonice instituendo perpetua successione ordinetur cui cum omnibus synodalibus trium solidorum duplicatis annuatim in recompensationem juris archidiaconi et omnibus ordinariis consuetis ipsi ecclesiae imminentibus animarum cura servitium capellarum de Stantone et Cidioc per unum capellanum et clericum idoneum et servitium capellae de Merswode per unum capellanum et clericum idoneum et totius parochiae sollicitudo spiritualis incumbat quatenus vicarii officio imminet exequenda in qua vicaria jus praesentandi ad eandem domino Bathoniensi et suis successoribus quotiescunque vacaverit in perpetuum resignavimus Nomine autem perpetuae vicariae percipiet in perpetuum vicarius ejusdem ecclesiae omnes obventiones et oblationes totius altalagii cum omnibus minutis decimis et decimis molendinorum totius parochiae exceptis decimis feni totius parochiae et omnibus minutis decimis de curia abbatis de Abbedesbire in Parva Widitone et de curia utriusque capituli Sarum et Wellensis in dicta parochia percipiet etiam vicarius omnes decimas majores de toto dominico ecclesiae praeterquam de vilinagio Item et habebit curtum boscum qui vocatur Havechulle cum prato de Cosyam pro feno bosco husbote heybote Item habebit xl denarios annuos de capella Willelmi de Charteray et duos solidos annuos de capella de Cernemue Item habebit pro manso mansum et duas acras terrae quas Herbertus tenuit et mansum quod tenuit Rogerus Wodhorn cum curtilagiis adjacentibus eisdem Item habebit terram quae vocatur Bury et terram quae vocatur Bicroft ad agriculturam Habebit etiam servitia et consuetudines de domibus [et] curtilagiis quae tenent Thomas Sorellard et Willelmus figulator et de terra de Lidlegrah quam tenet Thomas mercator de quibus terris dicti tenentes nullum redditum reddunt nisi ad lumen ecclesiae quae omnia aestimatione communi xx marcarum valentiam indubitanter attingunt et quae sine omni accrescendi jure vicarius qui pro tempore fuerit perpetuo possidebit cum commune pasturae in bosco de Merswode et alibi capellanis praedictae ecclesiae per Nicholaum de Mariscis aliquando collata Ad haec cum praedictus magister Hugo de Greneford rector praedictae ecclesiae illam de patrimonio suo in multis ditaverit videlicet in septem virgatis bosci sine quibus rector praedictae ecclesiae in pastura et aliis competenter sustentari non posset item in tenemento Petri de la Bere et undecim solidis annuis de dicto tenemento provenientibus extra quorum possessionem fuerat aliquando ecclesia praedicta nos in recompensationem tot laborum et sumptuum de consensu venerabilis fratris nostri Bathoniensis episcopi dictae ecclesiae patroni concedimus et ordinamus quod in dicta ecclesia sit unus capellanus perpetuus qui perpetuo in eadem plenum faciat servitium pro benefactoribus utriusque ecclesiae et pro fidelibus defunctis et habeat ad sui sustentationem portiones subscriptas videlicet omnes decimas majores et minores de dominico abbatis de Abbudesbire in Parva Wyditone excepta decima feni quae valent annuatim duas marcas salva una mares solvenda eidem abbati annuatim sicut continetur in compositione inter dictum abbatem et rectorem ecclesiae de Witchurche confecta item xx solidos annuos de capella de Woditune Adae militis item xi solidos de redditu Petri de la Bere cum omni emolumento ex dicto tenemento proveniente praeter decimas et praeter redditum qui inde debetur annuatim ad lumen ecclesiae praedictae item iv solidos provenientes de decimis iiii acrarum in villa de Kingeston Radulfi Russel habebit etiam idem capellanus mansum quod Hugo Granford emit a Rogero Sumeter reddendo inde annuatim ad lumen ipsius ecclesiae duos solidos Volumus autem et ordinamus ut idem capellanus juret fidelitatem vicario qui pro tempore fuerit de indemnitate ejusdem ecclesiae pro posse suo conservanda et quod ipse jus ecclesiae ipsius vel vicarii in nullo diminuet vel defraudabit nec ab aliis quantum in eo est diminui vel defraudari sustinebit Item et cum idem capellanus de bonis ipsius ecclesiae sustentetur volumus et ordinamus quod intersit cum vicario servitiis ipsius ecclesiae auxilium et consilium suum eidem in quantum poterit quoad regimen ipsius ecclesiae et parochiae salvo plenario servitio defunctorum impendendo Praesentationem autem hujus capellani quotiescunque cesserit vel decesserit domino Bathoniensi et successoribus suis tanquam patronis per hanc ordinationem nostram in perpetuum reservamus De decimis autem terris pratis pascuis redditibus edificiis et hominibus servitiis et aliis quibuscunque possessionibus et rebus residuis ad dictam ecclesiam spectantibus taliter ordinando providimus et providendo decrevimus ordinandum et ordinavimus quod decanus et capitulum Sarum et per eos ecclesia Sarum unam medietatem omnium praedictorum pro aequalibus portionibus decanus et capitulum Wellensis et per eos ecclesia Wellensis ad augmentum communae suae quae in utraque praedictarum ecclesiarum minus tenuis hactenus existat et exilis habeant et possideant futuris et perpetuis temporibus pleno jure Portio autem quam per hanc ordinationem nostram assignamus decano et capitulo Sarum ad augmentum communae suae haec est aula quae fuit personae cum tota curia et gardino ex parte boreali rivuli cum Winesgore et Grashege Item una medietas totius dominici dictae ecclesiae boscorum pascuorum omnium libertatum liberarum consuetudinum et aliarum rerum omnium quae ad personam dictae ecclesiae pertinere consueverunt Item terrae redditus et servitia subscriptorum hominum cum omnibus pertinentiis suis et emolumentis scilicet unius virgatae terrae cum pertinentiis suis quam tenent Edwardus de Putte Oliverus de Putte Willelmus Pandeleshurste item et quatuor dimidiarum virgatarum terrae quas tenent Henricus de Cruce Willelmus Cocwell Hugo de Rihull Filenia de Rihull item et duorum ferlingorum terrae quae tenent Hunfridus de Rihull et Osbertus Wateman item et quinque coteriarum quas tenent Rogerus Tinekare Adam Segare Ailwardus Suel Wimarc lotrix et Ricardus bercarius praeterea et unius dimidiae virgatae terrae quam tenet Thomas mercator ad haec decimae de Lidleghe item decima totius terrae Gilberti de Anestye item tenentium de Wodeton Abbatis item Ricardi Cumer item de Gillewardesleghe de la Wyla de terra Johannis Payn item de Lasage de terra Johannis et Hamonis de Cinnocke de terra Nicholai de Marisco cum decimis omnibus pertinentibus ad capellam de Merswode et cum omnibus decimis ex parte boreali ecclesiae de Witechurche et cum decimis terrae Petri de la Bere et Willelmi de Gresleghe et de Ham [] de Scumbe et sic versus orientem cum decimis debitis de Pilesdone Portio vero quam similiter per hanc ordinationem nostram decano et capitulo Wellensi et per eos ecclesiae Wellensi ad augmentum suae communae assignamus haec est videlicet tota bertona quae consueverat esse personae cum toto gardino inter cimiterium et bertonam praedictam item curtilagium retro bertonam item gardinum ex parte orientali bertonae usque ad rivulum item altera medietas totius dominici dictae ecclesiae boscorum pascuorum omnium libertatum liberarum consuetudinum et aliarum rerum omnium quae ad personam dictae ecclesiae pertinere consueverunt Item terrae redditus et servitia subscriptorum hominum cum omnibus pertinentiis suis et emolumentis scilicet unius virgatae terrae cum pertinentiis quam tenent Durandus de Putte Rogerus de Putte et Godelina de Putte item etiam unius virgatae terrae quam tenet Ricardus filius Osmundi item dimidiarum duarum virgatarum terrae quas tenent Johannes de Hunnehull Hunfridus de Rohull item etiam quatuor ferlingorum terrae quae tenent Hamundus de Rihull Willelmus Belle Cristina de Rihull et Willelmus Kinge item et septem coteriarum quas tenent Radulfus de Mannescumbe Ricardus Bissop Johannes Ridare Wimarc relicta Tristram Galfridus Ridere Warelnam et Robertus Cuthup item et decimae de Cydiok de Stantone de la Butte de Rihull Henrici tenentis ecclesiae Thomae mercatoris Ricardi filii Osmundi Galfridi de la Burne et tonentium suorum Joh [] de la Boverie item decimae de Manescumbe et de Mortescumbe de Cochull et Willelmi Bissop de Witechurche item de Hundelhull de Blakehege de la Putte et Forestarehege Concedimus autem per hanc ordinationem nostram auctoritate pontificali statuentes ut praedicta capitula de Sarum et de Well [] per se vel per suos statim cedente vel decedente magistro Hugone de Greneford persona praedictae ecclesiae de Witchurche supradictas portiones sibi in dicta ecclesia assignatas nostra et successorum nostrorum vel officialium vel loci archidiaconi vel officialium suorum auctoritate ulterius minime requisita libere ingrediantur et possideant inconcusse Licet autem praedicta ecclesia de Wittchurche cum pertinentiis suis nobis lege diocesana in episcopalibus et loci archidiacono in archidiaconalibus sit subjecta et nostrae in omnibus et ipsius ordinariae jurisdictioni existat nos tamen ex certis causis de assensu decani et capituli Sarum et loci archidiaconi venerabilem fratrem nostrum Bathoniensem episcopum et successores suos decanum et capitulum Wellensem quoad omnia ipsos in dicta parochia de Wittchurche contingentia ab omni nostra et successorum nostrorum et archidiaconorum loci et officialium nostrorum et suorum similiter ministrorum subjectione prorsus jurisdictione et coercione liberos penitus in perpetuum in omnibus esse volumus et exemptos et eos per hanc nostram ordinationem [exemimus] Et si forte super decimis vel rebus aliis ad Sarum sive Wellensem decanos vel eorum capitula in dicta parochia pertinentibus quamlibet inter quoscunque suboriri contigerit quaestionem per judices communiter eligendos si fieri poterit alioquin per competentem judicem superiorem neutri parti suspectum quaestio sopiatur in omnibus aliis quoad res seu personas ecclesiasticas secularesve nostra et successorum nostrorum et loci archidiaconi et successorum suorum auctoritate dignitate et jurisdictione servata et per omnia jure salvo Ut autem haec provisio et ordinatio per omnia et singula perpetuae firmitatis robur obtineat eam de assensu decani et capituli nostri Sarum pontificali auctoritate duximus confirmandam quibus idem venerabilis frater J Bathoniensis episcopus et capitula praedicta una cum sigillo nostro ad perpetuum ipsius ordinationis robur et testimonium sigilla sua apposuerunt Actum Sarum in festo Natalis Domini anno Incarnationis Domini mccxl [pontificatus nostri anno xii]