Charter Document - 00640215

Notum sit omnibus ad quos presens scriptum pervenerit quod cum ex parte magistri Willelmi de Merton decani Wellensis rectoris ecclesie de Ferendone quedam decimas et obventiones provenientes de terris que fuerunt Everardi de Marisco et Walteri Thorp et Ivel et Ades fabri et Ide vidue devolutis ad manus abbatis et monachorum de Stanlege ratione ecclesie sue de Ferendone prebende Sarum ad cum spectantes a predictis abbati et monachis peterentur tandem inter eos bonis viris mediantibus amicabilis compositio intervenit videlicet quod dicti abbas et conventus de predictis terris quatuor decem videlicet virgatis terre cum pertinentiis decimas garbarum omnium et feni tantum una cum pensione annua duarum marcarum et dimidie pro omnibus decimis et obventionibus que exigi possunt vel poterunt ecclesie de Ferendone integerrime persolvent quamdiu eas in manibus tenuerunt Predictas autem duas marcas et dimidiam persolvent ad duos anni terminos ad Natale scilicet xvi solidis et viii denarios et ad festum Sancti Johannis Baptiste sequens xvi solidis et viii denarios Quod si forte contigerit quod dicti monachi terras predictas in toto vel in parte ad feudum vel ad firmam temporalem vel perpetuam tradiderint dicta ecclesia decimas et obventiones a firmaris et feudo taris integre percipiet quamdiu dicti firmari vel feudo tari illas terras in manibus suis tenuerint et monachi interim ab annua solutione dicte pecunie pro modo quantitatis terrarum ad firmam vel ad feudum traditarum per estimationem legalium virorum cessabunt Cum vero ad manus dictorum monachorum cessante firma vel feudo predicte terre redierint decimas garbaram et feni una cum pensione duarum marcarum et dimidie pro omnibus decimis et obventionibus quis de predictis terris exigi possint vel poterint persolvent Sique vero terre rusticorum vel libere tenentium post istam compositionem ad manus monachorum devenerint alie a predictis quinque virgatis terre cum pertinentiis que fuerunt Ide vidue quas nunc tenet Ricardus filius ejus de predictis monachis et per consequens quinquennium ad firmam tenebit de illis similiter dabunt decimas garbaram omnium et feni et pro minutia decimis et obventionibus de terris illis provenientibus modo pretaxato secundum quantitatem terrarum memoratarum dicti monachi ecclesie de Ferendone satisfacient Et sciendum quod per dictum quinquennium de predictis quinque virgatis terre cum pertinentiis percipiet ecclesia de Ferendone integre decimas et obventiones a predicto Ricardo vel ejus assignato et nihilominus solvent monachi integre pensionem duarum marcarum et dimidie per idem quinquennium Et si forte contingat quod post predictum quinquennium dederint prefati monachi ad firmam vel feudum predictam terram que fait Ide vel aliquam aliam prenominatarum xiiii virgatarum decrescet pensio duarum marcarum et dimidie secundum quantitatem terre ad firmam vel ad feudum tradite sicut predictum est Stabunt igitur premissa et robur perpetue firmitatis obtinebunt priore nihilominus compositione que inter predictos magistrum Willelmum de Mertone ex una parte et abbatem et conventum de Stanlege ex altera mediantibus decano de Cycestrensi et decano de Luvintone et magistro Willelmo Kaynesham canonico Cicestrensi judicibus a domino papa delegatis olim facta per omnia nisi quantum ad articulos hic expressos in suo robore perpetuis temporibus duratura una cum compositione presenti Hanc autem prescriptam compositionem amicabilem venerabilis pater Robertus episcopus et decanus et capitulum Sarum ratam in perpetuum et gratam habentes ut firmitatis perpetue robur obtineat una cum sigillis partium huic scripto tripliciter confecto signa sua apposuerunt Actum anno gratie MCCXXXVII