Charter Document - 00640212

Noverint universi presens scriptum inspecturi vel audituri quod cum controversia mota fuisset inter dominum Rogerus precentorem Sarum et dominum Galfridum de Bisunaco canonicum Exoniensem inter dominum precentorem et dominum Willelmum Exoniensem episcopum et capitulum Exoniense per diversa rescripta apostolica a domino papa Gregorio ix impetrata super ecclesia de Hurbertone et ipso negotio coram judicibus adversis partibus impetratis aliquantum citra litis contestationem fuisset processum tandem inter omnes predictas partes amicabiliter est compositum in hunc modam videlicet quod omnis rancor et indignatio petitio questio et controversia expense et damna ab omnibus predictis partibus penitus remissa sunt ita quod nullo modo nullo unquam tempore moveatur vel moveri possit questio ei qui pro tempore fuerit canonicus prebende de Teintone regi vel capitulo vel episcopo Exoniensi vel alio nomine suo ratione dicte ecclesie de Hurburtone preterquam nomine antiquorum consuetorum et ordinariorum dictus siquidem precentor et ejus successores in prebenda memorata solvent dicto Galfrido vel procuratori ipsius Galfridi in cathedrali ecclesia Exoniensi octo marcas annuas ad quatuor anni terminos scilicet ad diem Natalem Domini vel infra octavas duas marcas ad Pascha vel infra octavas duas marcas ad festum Sancti Johannis Baptiste vel infra octavas duas marcas ad festum Sancti Michaelis vel infra octavas duas marcas Quod si dictum precentorem eidem prebende vel etiam ipsum decedere contingat dictus Galfridus nihilominus integre dictas octo marcas percipiet prebenda de Teintone et canonico ipsius prebende quamdiu vixerit idem Galfridus ad eandem pecuniam solvendam remanentibus obligatis Ad hec inter omnes predictas partes ita amicabiliter convenit quod dictus precentore presentaret domino Exoniensi vicarium ad dictam ecclesiam de Hurbertone qui quidem vicarius percipiet a dicto precentor vel ab eo qui pro tempore fuerit canonicus dicte prebende de Teintone quinque marcas annuas nomine vicarie ad quatuor anni terminos prescriptos pro equis portionibus solvendas Verum quam primum continget dictum precentorem vel cum qui pro tempore ipsi in eadem prebenda successerit a prestatione dictarum octo marcarum prefato Galfridi solvendarum exonerari illis dicte octo marce dicte vicarie quinque marcarum in perpetuum integre accrescent dictis terminis vicario de Hurbertone qui pro tempore fuerit pro equis portionibus solvende omnibus oneribus ordinariis antiquis et consuetis ad dictam ecclesiam de Hurbertone spectantibus ex tunc primum vicario qui pro tempore fuerit omnino incumbentibus sed dictus precentor vel ejus qui pro tempore fuerit in dicta prebenda successor hec omnia onera usque ad prefatam exonerationem octo marcarum in solidum sustinebit Quod si in aliquo prefatorum compositioni memorate a quacunque partium obviatum fuerit vel contradictum licebit domino Bathoniensi episcopo qui pro tempore fuerit episcopus partem renitentem et contradicentem omni exceptione excusatione cavillatione appellatione fori privilegio juris civilis et canonici remedio postpositis ad omnium predictorum observationem per censuram ecclesiasticam compellere Ut autem hec amicabilis compositio in perpetuum robur firmitatis obtineat et inviolabiliter per omnia observetur tam domini Exoniensis et Sarum episcopi quam eorum capitula dictam compositionem approbarunt et confirmarunt et huic scripto in modum cyrographi confecto sigilla sua una cum sigillis dictorum precentoris et Galfridi apposuerunt acta in cathedrali ecclesia Exoniensi in crastino Sancte Katerine anno Domini MCCXXXVI mense Novembris His testibus magistro Rogero de Winkelege tunc decano Exoniensi magistro Bartholomeo archidiacono Exoniensi magistro Ricardo Blunde cancellario Exoniensi Helia de Badestone clerico et aliis