Charter Document - 00640177
| Charter Number: | 00640177 |
|---|---|
| Cartulary Title: | Charters and Documents Illustrating the Cathedral, City and Diocese of Salisbury |
| Charter Language: | Latin |
| Charter Origin: | Religious |
| Charter Type(s): | Release |
| Date: | 1228 |
| Date type: | Assigned |
| Resource Link(s): |
|
Charter:
Omnibus ad quos presens scriptum pervenerit Galfridus de Maudeville salutem in Domino Noveritis me concessisse pro me et heredibus meis Deo et ecclesie beati Andree Wellensis ac venerabili patri ac domino J[ocelino] Bathon episcopo et successoribus suis decano et capitulo Wellensi et venerabili patri domino R[icardo] Sarum episcopo ac successoribus suis decano et capitulo Sarum totam illam actionem et querelam quam aliquando movi per breve domini regis versus eosdem episcopos decanos et capitula super advocatione ecclesie de Wittecheriche coram justitiariis domini regis de banco volens et concedens pro me heredibus meis quod carta illa quam feci prefato domino ville J[ocelino] Bathon episcopo et successoribus suis super advocatione dicte ecclesie cum pertinentiis firmitatis robur obtineat in perpetuum recognoscens advocationem predicte ecclesie cum pertinentiis suis esse jus predicti domini J[ocelini] Bathon episcopi et successorum suorum ratam nihilominus et gratam [habentes] ordinationem quam predictus dominus Sarum episcopus super dicta ecclesia cum pertinentiis suis de consensu et voluntate predictorum Jocelino Bathon episcopi et decani et capituli Wellensis et Sarum fecisse dinoscitur Et ego Galfridus et heredes mei predicte ecclesie de Well et episcopis qui pro tempore fuerint advocationem prenominate ecclesie de Wittecheriche contra omnes mortales warantizabimus in perpetuum In cujus rei testimonium huic scripto sigillum meum apposui His testibus dominis Roberto de Lexinton Rogero de Thurkelby Gocelino de Nevill Gileberto de Prestone tunc temporis justitiariis de banco et aliis