Charter Document - 00640161
| Charter Number: | 00640161 |
|---|---|
| Cartulary Title: | Charters and Documents Illustrating the Cathedral, City and Diocese of Salisbury |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1227 |
| Date type: | Internal, Calendar, Regnal |
| Resource Link(s): |
|
Charter:
Henricus Dei gratia rex Anglie dominus Hybernie dux Normannie Aquitanie et comes Andegavie archiepiscopus episcopis abbatibus prioribus comitibus baronibus justitiariis vicecomitibus prepositis ministris et omnibus ballivis et fidelibus suis salutem Sciatis nos concessisse et hec carta nostra confirmasse venerabili patri Ricardo Sarum episcopo quod ipse et successores sui habeant in perpetuum unam feriam apud Suthbrome extra villam de Divises singulis annis per quatuor dies duraturam videlicet in vigilia et in die Sancti Dyonisii et in duobus diebus proximo sequentibus nisi predicta feria sit ad nocumentum vicinarum feriarum Quare volumus et firmiter precipimus quod predictus episcopus et successores sui habeant in perpetuum predictam feriam bene et in pace libere et quiete plenaria et integre cum omnibus libertatibus et liberis consuetudinibus ad hujusmodi feriam pertinentibus His testibus Eustachio [de Faucouberge] Londoniensi Joscelino Bathoniensi episcopis Martino de Pateshal Roberto de Lexinton Thoma de Molctune Willelmo filio Warini Osberto Giffard Radulfo filio Nicholai Ricardo de Archent[on] Godefrido de Craucumbe tunc seneschallis nostris Henrico de Aldithel Henrico filio Aucheri et multis aliis Dat[um] per manum venerabilis patris Radulfi [Nevill] Cycestrensis episcopi cancellarii nostri apud Westmonasterium sexto decimo die Julii anno regni nostri undecimo