Charter Document - 00640156

Henricus Dei gratia rex Anglie dominus Hybernie dux Normannie Aquitanie et comes Andegavie archiepiscopis episcopis abbatibus prioribus comitibus baronibus vicecomitibus prepositis ministris et omnibus ballivis et fidelibus suis salutem Sciatis nos ob reverentiam et honorem Dei et beate Marie semper virginis et pro salute nostra et antecessorum nostrorum et heredum concessisse et presenti carta confirmasso Deo et ecclesie beate Marie cujus translationem do castro nostro Sar[isberie] ad locum inferiorem factam ratam habemus et in cujus ecclesie fundamento primum lapidem posuimus et venerabili patri Ricardo ejusdem loci episcopo suisque successoribus et canonicis ejusdem ecclesie et hominibus suis omnes libertates et liberas consuetudines quas habuerunt temporibus predecessorum nostrorum regum Anglie ubicumque locorum in regno nostro per cartas eorundem antecessorum nostrorum vel aliorum do regno nostro dicte ecclesie episcopis et canonicis collatas et confirmatas sicut carte predecessorum nostrorum et aliorum donatorum rationabiliter testantur Volumus etiam et concedimus pro nobis et heredibus nostris quod locus ille qui dicitur Nova Sar[isberia] sit libera civitas in perpetuum clausa fossatis sicut inferius notatum est et quod cives ejusdem civitatis ibidem manentes per totam terram sint quieti de theloneo pontagio passagio paagio lestagio stallagio cariagio et omni alia consuetudine per totam terram nostram de omnibus rebus suis quas per terram vel per aquam deportare fecerint Et prohibemus ne quis eos aut possessiones aut terras aut servientes eorum contra libertatem carte nostre vexet et disturbet super foris facturam nostram Bt concedimus quod predicti cives habeant in perpetuum omnes alias libertates et quietancias per totam terram nostram quas habent cives nostri Wyntonienses Volumus et concedimus prefato episcopo et successoribus suis quod predictam civitatem Novas Sar[isberie] propter metum latronum fossatis competentibus claudant et teneant in perpetuum sicut proprium dominicum suum salva nobis et heredibus nostris advocatione ejusdem sedis et omni alio jure quod in ea vacante sicut in aliis cathedralibus ecclesiis vacantibus in regno nostro habemus et habere debemus Non autem licebit civibus predictis burgagia vel tenementa que habent et habituri sint in eadem civitate ecclesiis vel viris religiosis dare vel vendere vel invadiare sine licentia voluntate predicti episcopi et successorum suorum Concedimus insuper eidem episcopo et successoribus suis quod pro necessitatibus suis et ecclesie sue tallagium vel rationabile auxilium capiant de predictis civibus suis quando nos vel heredes nostri tallagium facimus in dominicis nostris Concedimus etiam predicto episcopo et successoribus suis quod ad emendationem ejusdem civitatis vias et pontes ad eam ducentes mutent et transferant et faciant sicut viderunt expedire salvo jure cujuslibet alterius Volumus etiam et concedimus predicto episcopo et successoribus suis quod habeant singulis annis in perpetuum unam feriam in predicta civitate Nove Sar[isberie] a vigilia Assumptionis beate Marie usque in crastinum octavarum ejusdem festi duraturam et qualibet septimana unum mercatum ibidem per diem Martis cum omnibus libertatibus et liberis consuetudinibus ad hujusmodi ferias et mercatum pertinentibus Volumus insuper et precipimus quod omnes mercatores terrarum nostrarum et mercatores aliarum terrarum qui sunt ad pacem nostram et eorum mercandis ad predictam civitatem venientes et ibidem morantes et inde recedentes habeant libertatem venire stare et recedere tam per aquas et pontes quam per terram et quod liberos habeant introitus in terram nostram et liberos exitus a terra nostra sine omni impedimento ballivorum nostrorum et aliorum faciendo debitas et rectas consuetudines Omnes autem predicte libertates et quietancias concedimus predicto episcopo et successoribus suis et canonicis et civibus predicte civitatis ita quod per hanc liberalem concessionem nostram dicte ecclesie et prefato episcopo et successoribus suis et canonicis et civibus factam nihil eidem episcopo vel ejus successoribus vel dicte ecclesie canonicis pro tempore subtrahatur de libertatibus suis concessis eisdem per cartas predecessorum nostrorum regum Anglie et aliorum donatorum Hec omnia predicta sepe dicto episcopo et successoribus suis canonicis et civibus predictis concessimus salvis libertatibus civitatis nostre London Quare volumus et firmiter precipimus quod predictus episcopus et successores sui canonici et cives ejusdem civitatis habeant et teneant in perpetuum omnes predictas libertates et liberas consuetudines et quietancias bene et in pace libere et integre et honorifice in omnibus rebus et locis per totam terram nostram sicut predictum est His testibus Eustachio Londoniensi Petro [de Rupibus] Wintoniensi Jocelino Bathoniensi episcopis Humberto de Burgo justitiario nostro Gilberto de Clare comite Gloucest et Hertford Ricardo de Argenton Radulfo filio Nicholai seneschallo nostro Henrico de Capella et aliis Datum per mamum venerabilis patris Radulfi Cycestrensis episcopi cancellarii nostri apud Westmonast tricesimo die Januarii anno regni nostri undecimo