Charter Document - 00640154
| Charter Number: | 00640154 |
|---|---|
| Cartulary Title: | Charters and Documents Illustrating the Cathedral, City and Diocese of Salisbury |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1226 - 1228 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis presentem cartam visuris vel audituris Adam de Brimtone salutem in Domino Scire volo universos quod ego dictus patronus ecclesiarum de Siptone et de Brikeleswrth spontanea voluntate appellatione remota simpliciter et absolute subjeci me quantum ad jus patronatus pertinet ordinationi et dispositioni venerabilis patris Ricardi Sarum episcopi vel illorum qui ad ejusdem episcopi instantiam ordinationem ecclesiarum de Siptone et de Brikeleswrth cum omnibus pertinentiis in se volint suscipere ratum habiturus et gratum cessantibus omni contraditione et appellatione quicquid idem venerabilis pater vel illi quos ipse providerit ordinabunt et statuent super dictis ecclesiis cum omnibus ad easdem pertinentibus Et ne locus possit esse contradictionis per presentem cartam [cui] sigillum meum apposui tactis sacrosanctis et fide interposita me eidem episcopo obligavi His testibus Helya Ridel magistro Luca Valentino canonicis Sarum Willelmo de Leycestre Galfrido capellanis T clerico et multis aliis