Charter Document - 00640152
| Charter Number: | 00640152 |
|---|---|
| Cartulary Title: | Charters and Documents Illustrating the Cathedral, City and Diocese of Salisbury |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1226 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Willelmus [Brewer] divina miseratione Exoniensis episcopus salutem in Domino Noverit universitas vestra quod nos inspecta indulgentia felicis memorie Honorii pape tertii venerabili fratri episcopo Sarum et ejusdem loci capitulo super prebenda de Teinton quam habuit ecclesia Sarum concessa de capituli nostri Exoniensis assensu unanimi nec non de communi et unanimi consensu venerabilis patris domini Ricardi Sarum episcopi et ejusdem loci capituli dicte prebende patronorum ordinationi nostre sponte se subjacentium damno ecclesie nostre Exoniensis et necessitate ecclesie Sarum ex concessione hujusmodi sicut decuit ponderatis communicato [virorum] discretorum et Deum timentium consilio de ecclesiis ad dictam prebendam spectantibus invocata Spiritus Sancti gratia ordinavimus in hunc modum videlicet quod ecclesia de Teigntone cum capella de Teinguiwik et ecclesia de Calmintone cum capella sua et omnibus bonis ad dictas ecclesias et capellas spectantibus de cetero sint prebendarie et eas episcopi Sarum qui pro tempore fuerint cum vacaverint futuris et perpetuis temporibus conferant ut patroni ita tamen quod nobis et successoribus nostris representetur [et] instituatur is cui fuerit collata prebenda supradicta salvis competentibus vicariis Ecclesie vero de Kentone et Alfintone cum earum capellis et proventibus et bonis quibuscunque ad eas spectantibus et decime de Euetruwe in commune Sarum perpetuos usus cedant salvis competentibus vicariis Ecclesia vero de Hurberton cum capellis ejusdem et proventibus et bonis quibuscunque ad eas spectantibus cedat in perpetuos usus cotidianas distributionis canonicorum Exoniensis ecclesie pro recompensatione multiplicis lesionis quod sustinet ecclesia nostra Exoniensis ex concessione supradicta Et ut hec nostra ordinatio rata et stabilis et inconcussa permaneat in perpetuum presenti scripto sigillum nostrum una cum venerabilis patris episcopi Sarum et capitulorum Sarum et Exoniensis sigillis apponi fecimus