Charter Document - 00640121
| Charter Number: | 00640121 |
|---|---|
| Cartulary Title: | Charters and Documents Illustrating the Cathedral, City and Diocese of Salisbury |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1220 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Walterus prior et fratres Hospitalis S[ancti] Johannis de Merleberge eternam in Domino salutem Ne occasione indulgentie domni nostre a venerabili domino et patre nostro Ricardo [Poore] Dei gratia Sarum episcopo A[dam] decano et capitulo Sarum necnon et canonico prebende de Blebire nobis misericorditer sicut carte eorum testantur indulte aliquod in futurum domino Sarum [episcopo] vel capitulo sive prebende predicte prejudicium possit generari profitemur nos et omnes successores nostros dicte prebende et per eam episcopo et capitulo Sarum in canonicis mandatis fore obedientes Et [ut] istud futuris temporibus firmum et stabile perseveret presens scriptum sigilli nostri appositione roboravimus His testibus [Adam] decano W[illelmo] precentore H[ugone] cancellario A[braham] thesaurario T[home] sub decano A[nastasio] succentor Sarum Willelmo de Sancto Edwardo Roberto de Derneford Willelmo de Cumbe ejusdem ecclesie vicariis Edwardo Harforthe Ricardo de Gardino de Sarum Alexandro Minnot Alexandre de Tellario de Merleberge et multis aliis