Charter Document - 00640119

[] presens scriptum pervenerit magister Simon decanus Cycestrensis et magister Ricardus decanus de Louintone et magister Willelmus de Keynesham canonicus Cicestrensis salutem in Domino Litteras domini pape Honorii [tertii] in hec verba suscepimus [] Cum igitur auctoritate predictarum litterarum lis esset mota coram nobis inter magistrum Willelmum de Merttone canonicum Sarum personam ecclesie de Ferendone petentem ab abbate et monachis de Bello Loco nomine Ricardi decani Sarum ecclesie scilicet de Farendon omnes decimas de terris quas idem monachi habent infra limites parochie dicte ecclesie de Farendon et prefatos abbatem et conventum se immunes esse a prestatione dictarum decimarum per privilegia eis a sede apostolica indulta asserentes tandem inter eos super predictis amicabilis intervenit compositio talis videlicet quod memorati abbas et conventus singulis annis sextam decimam garbam tam de blado quam de leguminibus de omnibus terris suis sitis infra limites ejusdem parochie integre et sine diminutione persolvent canonico Sarum et persone qui pro tempore fuerit ecclesie de Farendone tam de novalibus et assartis et assartandis quam de aliis terris quascunque in prefata parochia habent monachi prefati ita quod monachi [] secundum sua privilegia a prestatione omnium decimarum minutarum Quod si forte alique terre quas nunc tenent rustici vel libere tenentes eorum vel aliorum quorumlibet in eadem parochia [] de cetero [ad manus] monachorum [] devenerint exceptis terris infra excipiendis de illis sine omni diminutione et exceptione decimas prefate ecclesie de Farendone persolvent cum ea integritate qua eas predicti rustici vel libere tenentes solvebant vel solvere tenebantur He autem terre sunt excepte quas quidam vicarii monachorum nunc tenent que erant in dominico monachorum et de quibus omnes decimas dicta ecclesia de Farendone percipit de quibus cum ad manus monachorum dicte terre pervenerint sicut de reliquo dominico terre eorum sextam decimam garbam tantum persolvant monachi ecclesie memorate de Farendone annuatim Sunt autem nomina vicariorum qui predictas terras tenent Radulfus de Aras qui habet unam hidam terre Robertus de Castello qui habet dimidiam hidam terre Ricardus Huchen qui habet dimidiam hidam terre Robertus de Hadthorn qui habet dimidiam hidam terre cum pertinentiis ad terre easdem Quicunque autem terras monachorum de quibus sextam decimam garbam tantum monachi solvere tenentur vel etiam pascua ab eis ad feudum vel firmam perpetuam vel temporalem tenuerit omnes decimas quamdiu eas ad feudum vel firmam tenuerit tam majores quam minores inde provenientes plenaria ecclesie prefate de Farendune persolvet et cum eedem terre ad monachos predictos cessante feudo vel firma redierint sextam decimam garbam tantum persolvent predicti monachi ecclesie prefate de Farendone sicut prescriptum est nullo privilegio monachorum ad personas feudatariorum vel firmariorum suorum aliquando in aliquibus extendendo Hanc autem prescriptam amicabilem compositionem inviolabiliter observaturos se et fideliter memorati abbas et conventus et magister Willelmus de Merttone ut omnis in posterum inter ecclesiam Sarum et predictam ecclesiam de Ferendone ex una parte et monasterium de Bello Loco Regis ex altera cesset controversia in verbo Dei promiserunt in jure coram nobis litteris dicti conventus de Bello Loco item litteris episcopi et capituli Sarum super ratihabitione prefate compositionis coram nobis in jure exhibitis lectis et approbatis ad majorem et perpetuam facte compositionis firmitatem Hanc igitur compositionem sicut proinde facta est ratam et gratam habentes auctoritate domini pape qua fungimur confirmamus Et in hujus rei testimonium signa nostra necnon et signa partium huic scripto una cum sigillo capituli Cycestrensis et aliarum personarum autenticarum sunt apposita Datum apud Cycestriam anno ab Incarnatione Domini MCCXX mense Maii iii idus ejusdem anno regis Henrici tertii quarto