Charter Document - 00640102
| Charter Number: | 00640102 |
|---|---|
| Cartulary Title: | Charters and Documents Illustrating the Cathedral, City and Diocese of Salisbury |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1217 |
| Date type: | Assigned |
| Resource Link(s): |
|
Charter:
Hoc est escambium factum inter dominum Ricardum Sarum episcopum et Adam decanum Sarum canonicum prebende de Poterne de assensu et voluntate capituli Sarum scilicet quod messuagium quod fuit magistri Willelmi de Poterna in villa de Poterna cum tota placea sua remanebit in perpetuum eidem decano Sarum canonico ejusdem prebende et successoribus suis canonicis ejusdem prebende quod messuagium cum placea extendit in longitudine a curia ipsius decani usque ad curtilagium Johannis de la Fenne et in latitudine se extendit a gardino ipsius decani usque ad Magnum Vicum et domino episcopo remanebit una crofta ex altera ipsius vici parte versus orientem de fundo prebende que extendit in longitudine a curtilagio Roberti bovario usque ad fossatum curtilagii Willelmi de la Yete ita quod fossatum illud semper pertineat ad curtilagium ipsius Willelmi et in latitudine extendit a Magno Vico usque ad croftam Willelmi Rufi Et in hujus rei testimonium confectum est cyrographum istud et in illa parte cyrographi que penes dominum episcopum remanet appositum est sigillum ipsius decani et sigillum capituli et in alia parte que remanet penes decanum appositum est sigillum domini episcopi et sigillum capituli