Charter Document - 00640094
| Charter Number: | 00640094 |
|---|---|
| Cartulary Title: | Charters and Documents Illustrating the Cathedral, City and Diocese of Salisbury |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1210 |
| Date type: | Assigned |
| Resource Link(s): |
|
Charter:
Sciant presentes et futuri quod ego Nicholas de Bruere recognoscens jus Dei et ecclesie beate Marie Sarum quod habere debet in terra de Winterburne que est in parochia ecclesie de Chivele quam Isabella et Nicholas filius ejus tenuerunt de me pro xl solidis per annum reddendis quietam clamavi eandem terram cum omnibus pertinentiis suis Deo et ecclesie beate Marie Saresberiensi et domino Herberto Sarum episcopo et successoribus suis sicut jus sum in perpetuum et in manus ejusdem episcopi omne jus quod in predicta terra habebam vel videbar habere resignavi ita quod nec ego nec heredes mei adversus eundem episcopum vel successores suos ad eandem terram recuperandam poterimus habere regressum et ego nihilominus sacramento corporaliter prestito eandem terram in perpetuum ab juravi et in eodem juramento fideliter promisi me hanc cartam de me et heredibus meis warantizaturum Et pro hac quieta clamantia et resignatione prefatus dominus Herbertus Sarum episcopus dedit mihi viginti marcas argenti His testibus A[dam] archidiacono Dorcest magistro Helia do Chivele Thoma de Chalbech Abraham capellano Roberto de Barent Radulfo de Winesham Savarico Willelmo de Capella Thoma de Fornell Hugone Malet Willelmo de Wintonia et multis aliis