Charter Document - 00640090
| Charter Number: | 00640090 |
|---|---|
| Cartulary Title: | Charters and Documents Illustrating the Cathedral, City and Diocese of Salisbury |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1206 |
| Date type: | Assigned |
| Resource Link(s): |
|
Charter:
Omnibus Christi fidelibus tam praesentibus quam futuris frater Robertus thesaurarius fratrum Hospitalis Hierusol prior in Anglia salutem in Domino Noverit universitas vestra quod nos communi consilio et assensu fratrum capituli nostri concessimus et praesenti carta confirmavimus domino Herberto Sarum episcopo omnia tenementa quae dicebamus pertinere ad domum nostram in parochia Sanctae Brigidi prope Fletebrige apud Londoniam et in vicinis parochiis cum omnibus aedificiis et pertinentiis suis scilicet quae bonae memoriae Ricardus quondam Wintoniensis episcopus tenuit et post eum venerabilis pater noster Herbertus Sarum episcopus tenuit et nunc tenet tenenda et habenda de domo nostra quamdiu vixerit libere quiete integre pacifice et honorifice reddendo inde singulis annis domui nostrae apud Fontem Clericorum extra Londoniam duas marcas argenti scilicet unam marcam infra octavas Paschae et aliam marcam infra octavas S[ancti] Michaelis pro omni servitio consuetudine et exactione ad domum nostram inde pertinentibus Concessimus etiam si licebit praefato domino Herberto Sarum episcopo praedicta tenementa sive in vita sua sive in exitu vitae suae cuicunque de suis voluerit per dictum redditum duarum marcarum de domo nostra jure haereditario tenenda conferre ita tamen quod nec dictus episcopus aut ille cui dicta tenementa contulerit aut haeredes sui non poterint praedicta tenementa ad aliam domum religiosam quam nostram vel ecclesiam ullo unquam futuro tempore transferre In obitu etiam illius cui dictus Herbertus Sarum episcopus saepedicta tenementa contulerit et omnium haeredum suorum similiter tota tertia pars omnium catallorum suorum mobilium quae super praedicta tenementa erunt pro salute animae suae domui nostrae remanebit Quod ut perpetuam firmitatem obtineat praesentis scripti serie et sigilli nostri appositione curavimus roborare His testibus H W S R et multis aliis