Charter Document - 00640083
| Charter Number: | 00640083 |
|---|---|
| Cartulary Title: | Charters and Documents Illustrating the Cathedral, City and Diocese of Salisbury |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1201 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos praesens scriptum pervenerit Johannes filius Johannis de Wulmintone salutem Noverint universi quod nec ego nec haeredes mei aliquod jus vel clamium habere vel reclamare poterimus in medietate molendinorum de Cerdestok et de la Hok nec in duobus ferlingis terrae de Cerdestok uno ferlingo terrae in Alewoldestone et dimidio ferlingo in Fugelescumbe quae teneo de dominico domini Sarum episcopi et in quae ingressum habui ratione Sibillae sororis domini Stephani personae de Stapilbrige quam duxi in uxorem Et ne ego vel haeredes mei aliquod jus vel clamium in praedictis tenementis habere vel reclamare potuerimus nisi ad voluntatem dicti episcopi et successorum suorum quia sigillum non habui sigillum domini Thomae de Dorecestre tunc capellani de Cerdestok praesenti scripto apposui His testibus domino Rogero de Cottelege Gileberto Russell Roberto Tirell Johanne de Cockesdene Gileberto Gulofre Symone de Wall Ricardo de Tuderlege Waltero Talevaz et aliis